اصحاب الكشش والشعر اللي يفشل يدخلون

السلام عليكم ورحمة الله وبركاته

اليوم انا يايبه خلطة للشعر ممتاااااااااااااااااااازة
تطلع الشعر وتخليه انعم واطول ويلمع
يعني ممتازة لكل مشاكل الشعر
وان شاء الله تعجبكم وتستفيدون منها مثلي

اول شي جيبوا جوز الهند وكسروها واخذوا من داخلها قطعة وبشروها ناعم واخذوا من الماي اللي فيها تقريبا 3 ملاعق كبار وجيبوا قطعه طولها 5 سم تقريبا من الصبار طبعا الصبار متوفر بكل مكان لاتقولون مانعرفه اذبحكم
صبار مكود بالمشاتل بس قصوا اطرافه اللي فيها شوك لكن لاتقشرونها
وحطوا جوز الهند اللي بشرتوه مع الماي ماله مع الصبار بعد ماتقطعونه في خلاط وحطوا ملعقتين كبار زيت ذرة او زيت خروع او اي زيت تفضلونه
وعقب ماينخلط حطوه بصحن وحطوا معاه ملعقتين او 3 ملاعق كبار كريم حمام زيت وتزيد الكمية حسب طول الشعر
انا افضل كريم حمام زيت فاشكول لانه احسن شي للشعر ممتاز وينعم
واذا مومتوفر استعملوا اي حمام زيت ترتاحون له
المهم حطوا هالخلطة وخلوها ساعتين وانتوا مغطين الراس بقبعة نايلون او تقعدون تحت البخار نص ساعه على راحتكم
وبعدين تتسبحون عادي نفس كل مرة وشوفوا الشعر شلون يصير حرير من اول مرة
وانا متأكدة بتدعولي
بس لاتنسون تسوون هالطريقة مرتين بالاسبوع او عالاقل مرة وبتبين النتيجة عقب ثاني او ثالث استعمال
بيصير الشعر حرير ويروح التساقط والتقصف وكل شي يزعجكم بشعركم

واتمنى من اللي تجرب وتنتفع بالوصف تدعيلي بالغيب