اصحاب تجربة القولون ومشاكل الباطنيه والنفسيه

السلام عليكم ورحمة الله وبركاته

اخواتي بادخل بالموضوع على طول واقول لكم تجربتي واتمنى استفيد من تجاربكم
انا اصبت بالقولون لي عدة سنوات وكل سنه يزود اكثر يشهد الله ماهو اعتراض على قضاء الله لما اكتب بس اتمنى استفيد من تجاربكم ونفيد اللي نفس حالتنا
المهم الان وصلت مرحله منه انه يكوون مضطرب اربع وعشرين ساعه تقلصات وغازات جدا شديده
حتى وانا مستانسه ومرووقه يضطرب لايجي احد يقول لي انه من النفسيه لازم ترتاح
لاني والله احيانا بالعكس اكون جالسه اسولف واضحك ويضطرب
ولااحد يقول لي من انواع معينه من الاكل لان والله احيانا يضطرب من اخف الاكل
التوست والفاكهه والتمر والخضار والله ماابالغ لو قلت حتى الماي احيانا تبدا التقلصات بمجرد شربه
كل مايطري ع بالكم عملته ادويه مستشفيات اعشاب يانسون شمر نعناع حلبه بابونج
وعملت كمان الخلطات العشبيه حقت جابر القحطاني ورضا عواد بس والله ماكاني اخذ شي
بالعكس احيانا يزيد من الكمون والنعناع

اللي مرت بتجربه كذا او تعرف احد كذا تكفووون الفزعه لاخيتكم والله اني في حاجه تجارب
وعلى قول المثل اسال مجرب ولا تسال طبيب لان بالفعل الاطباء والله صاروا اقل خبره بعضهم من اهل التجارب

حيااتي في انهيار والله على مااقول شهيد وصلت درجه مايعلمها الا رب الارض والسموات

اللهم اقتح ابواب السعاده لكل من تفيدني