اصحوا يابنات ..لايصير قلبك اسود وانتي مو داريه؟؟

السلام عليكم بنات ان شاءلله تكونوا باحسن حال...

بنات ابي اقولكم على شي والله لو مو حبي ولا حرصي عليكم كان احتفظت بهذا الكلام لنفسي ...ولا همني احد واقول كلن بعقله راضي ..

اقرأو اول شي هذي ..



بنات ...ياليت نشيل الحقد من قلوبنا .. كثير اشوف في هالدنيا ناس حقوده وحسوده وتحب تدور في عيوب خلق الله وتستنقص وتغار وترمي حكي واذا جت تتكلم عن نفسها تقول الحمدالله اشوى اني مو حقوده وانا قلبي مايحقد ولا يشيل على احد ..


لازم نخاف مما تحصد السنتنا ...يارب انك تهدينا ولا تتبتلينا ..


استغرب اقول شلوون معقوله مو داريه عن نفسها ؟؟ وعن اللي تقوله وعن اللي تسويه؟؟


هذي اكيد في غيبوبه ومو داريه لسانها وشقاعد يحصد من سيئات ..وماتدري ان حالها من ردي لأردى من لسانها وقلبها الي يحقد ويجمع ويسود يوم بعد يوم...


والله اللي قلبها كيذا ماتشوف راحة البال ابد ابد ..عقلها مو معها طول الوقت تفكر فلانه وش سوت وش قالت وتشغل قلبها بالناس ...
واذا جلست بمجلس لازم ترمي كلمه تجرح ..وتستغرب ليه الناس يكرههونها ويبعدون عنها...


فكري تذكري راجعي نفسك ؟؟؟ راجعي كل كلمه تقولينها ..انتي محاسبه وانتبهي تنزهين نفسك وتحسينك غير..

هذا حق تحاسبين عليه يوم القيامه لأن الله سبحانه وتعالى يقتص الحق الي بينه وبين عبده كصلاة والصيام وغيرها من العبادات ويغفرلك ويتجاز عنك لأن الله عز وجل غفور رحيم ...


لاكن الحق اللي بينك وبين الناس ياخذونه هم منك ..ولا راح ينفعونك يوم الحساب..


نصيحه مني يابنت سوو مثلي ..اي وحده ترمي وتحاول تستفزك بالكلام لاتردين عليها وادعي ربك وقولي الله يهديها ويصدها عني ..لاكن اذا رديتي معناته انك وصلتي لمستوها وكبرت القلوب على بعض..

تدرين مهما كنتي بحالك راح تشوفين هذول الناس ..مثلا انا يصير لي مواقف بعض الحريم تحاول تستفزني وتقول كلام يفور دمي والمشكله مابيني وبينها شي اللهم ان الله بلا قلبها بالغيره ..فتحاول تنقص من حقي وتقهرني .. صار الكلام هذا مثل المويه البارده على قلبي ..تدرون كيف؟؟


اسمع ولاكني اسمع واذا خلصت ارد بكل برود وكاني مافهمت وش تقصد ... وادعيلها بظهر الغيب ...

ودايم دايم علشان قلبك يطهر وينظف قبل لاتنامين قولي ..يارب اني احلل وابيح كل من حكت واغتابت فيني ..ويارب انك تهديها وتصلح شانها يارب...

ماتلقين الا الدنيا مقبله عليه وقلبك مليان بالسعادة وبالك مرتاااح ...

*اتمنى ان الكلام الي ابيه يكون وصل بشكل واضح وان نبعد عن النميمه والغيبه والحقد والحسد ...واعذروني اذا كان الكلام مو مترابط انا كتبت الي في قلبي بسرعه لان الي من القلب يوصل للقلب..وهذا الي اتمناه ...




اللهم ألهمني رشدي وقني شر نفسي..
اللهم ألهمني رشدي وقني شر نفسي..
اللهم ألهمني رشدي وقني شر نفسي..