السلام عليكم
:cook::cook::cook:
كيفكم وش اخباركم ،، ان شاء الله تكونون في تمام الصحة اليوم حبيت انزل لكم اكلة جديدة وروعه وسهلة وكشخة للزوج او اذا بغيتي تكشخين بها عند معارفك
طبعا صورتها لكم في النهاية لأن الخطوات سهلة ولا تحتاج تصوير وبتلاقون الصور في المرفقات ويارب تعجبكم
المقادير
3 صدور دجاج مقطعه مكعبات صغيرة
حبتين بصل مقطعة مكعبات صغيرة
حبتين طماطم مقطعة قطع صغيرة
صلصة طماطم
بهارات مشكلة وملح
مكرونة اصداف (تلاقينها في السوبر ماركت في قسم المكرونه جنب اللازانيا )
جبنه للتزيين
كزبرة للتزيين
نجي للطريقة
أولا نغلي المكرونه في قدر فيه موية وملح لمدة 7 او 8 دقيايق ولا تطولين عليها لأنها بتتقطع وتخرب عليك وبعدين تصفينها من الموية وتنتظرينها تبرد
بعدين نحمس نص كمية البصل في طاوة مع سمن فارم او زيت الى ان يذبل ونضيف له صدور الدجاج ونقلب ونضيف الملح والبهارت (كمون رقائق البصل كزبرة ناشفة بقدونس مطحون باربيكا ثوم بودرة واي بهار تحبين )ثم نضيف نص كمية الطماطم ونقلب الى ان تستوي ونطفي عليها
بعدين نحمس بقية البصل في طاوة ثانية ونضيف له بقية االطماطم وملعقة صلصة طماطم وملح وبهارات الى ان تتسبك ونطفي عليها (يعني نسوي كشنه )بعدين نصبها في الخلاط ونخلطها شوي الين يختفي البصل والطماطم وتصير زي الصوص
وبعدين نجيب صينية ونصب الصوص اللي قبل شوي في اسفلها الى ان تتغطى الصينية ونجيب الدجاج ونحشي فيه القواقع او الأصداف ونرصهافي الصينية ثم نزينها بالجبنه والكزبرة الناشفة وندخلها الفرن شوي الى ان تذوب الجبنه
ونطلعها وبكذا خلصت الحتوته
وصحة وعافية ولا تنسوني من الردرد الحلوة
ملاحظة اللي تبغى صورة كرتون المكرونه تقول وانزله لها
الوردة الناطقة @alord_alnatk
محررة ذهبية
يلزم عليك تسجيل الدخول أولًا لكتابة تعليق.
ماشاء الله الله يعطيك العافيهماشاء الله الله يعطيك العافيه
الله يعافيك وشكرا لمرورك
الصفحة الأخيرة
الله يعطيك العافيه