اصعب شي غيرة الام

انا اللي كتبت لكم زوجي مستنقصني
وزوجي يقارني بالممثلات
تبون اعلمك ليش صابره عليه؟
اصعب شي يابنات يكون ابوك على نياته
او بمعنى اخر ماله شخصيه
وامك المتحكمه الوحيده بكل شي
بنات انا لو مو هاذي امي واخاف عقوبه
الله كان اقل شي سويته فيها ماعترف فيها
انا اكبر خواتي عمري ٢٨
انا الوحيده اللي متسلطه علي من خواتي
بشكل جنوني واقسم بالله كاني بنت زوجها
امي تنقهر وتعصب اذا شافتني مبسوطه
امي حرمتني ابسط حقوقي بدافع تدرون ايش
الغيرررررررره
لاتقولون مافي ام تغار لو قولكم الموقف
تنصدمون
موقف بذكره لكم
ايام ماتملكت كانت ترفض رفض قاطع
اجلس معه لحالنا حرمتني من احلى ايام
اللي كل صديققاتي عاشوها الملكه
كان اذا جاء تجلس عرض بيننا وشوي
وتطرد زوجي
عمري ماجلست معه لحالي
كل هذا غيره ايش تقولي
انا كنت كذا ماجلست مع ابوك ابد
تقارني بزمنها حاطتني مثلها
اختي لما تملكت اقسم بالله
حتى السهر تسهر معاه برا وتقول كيفها
كل صديقتها كذا غيرانه من اختك يالحسود؟؟
هاذي كلمتها لي
بلعتها وسكت
والله يابنات مره كنا خلاص بنسافر واقنعت
زوجي بالموت
تجي بكل بساطه وتقول قدام زوجي
اسفهه بس هاذي وحده فاضيه
جالسه تناظر المدرسات والموظفات وتبي مثلهم
قله تطلع فلوس وتسافر
اقسم بالله قوت زوجي وكسرت شخصيتي عنده
زوجي انبسط وسحب علي وعلى السفره
ولما عاتبت امي قامت تسبني
كل هذا ماتبيني اسافر لانها هي طول عمرها
تتمنى تسافر بس ابوي رافض رفض قاطع برا
وتبيني نفس عيشتها
غير كذا ابسط شي تدخل فيني حملي تقول احملي
خلاص وش تنتظري من صغرك والهل من اول شهرين
زواج وهي تزن تزن فوق راسي
وكلمتها احملي تراك مو صغيره وانا يوم تزوجت
حملت من ثاني شهر
انتم ع بالكم حب فيني تقول احملي
لاوالله امي واعرفها تبيني اجيب بزران
عشان يربطوني ماطلع ولا اقابل الرجل
ولا نعيش زي غيرنا
وش تقولي انا من ثاني شهر حملت
كانها تقول لازم تصيري نسخه مني
تسب شكلي اني مافيني شي حلو
وانه زين لقيت احد يرضى قيني وتمدح اختي
وجمالها لدرجه سببت بقلبي كرهه لاختي
ولما قلت لها زوجي يخون ومستنقصني
قالت احمدي ربك اللي راضي فيك ويصرف عليك
لما كنت عندها بنت
كانت تشك فيني بشكل مريض
والله يابنات بحياتي سويت حرام واخاف
حتى من الرجل الغريب لو يمشي جنبي
لما كنت بنت
مع كذا كانت تشك فيني لما اروح انام
بدري احصلها عند بابي تتسمع
لما ارقى بدري تشك تقول من متى تنامين هالوقت؟
ولا عندك شي
لما افتح النت وارفض احد يستعمل لابتوبي
لانه من فلوسي تقول اكيد فيه شي
وبعصبيه تقولها وكاني جالسه اسوي شي
بنات اللي ذابحني
امي جالسه تقوي زوجي علي زياده
على ماهو مستقوي كل شي تقوله قله غصب
ماعليك منها
اغصبها اسفهه وش دخلها هاذي مريضه
هاذي كل كلامتها اللي كانت تقولها لزوجي
تخيلو اهل زوجي امه تدخل فقللت زياراتي
تروح امي لزوجي تقول اغصبها!!
هاذي مريضه ماتمشي الا بالغصب
ولا ودها دكتور نفسي
تخيلو زوجي كان يسافر برا وكنت اسبب
مشكله عشان امنعه يروح يقول لامي
تقوله غثتني ماتبي اسافر تجي امي تنبسط
انه بسشافر وحده
وتقول اسفهه وش دخلها جيبها عندي ولا عند امك
وانت روح انبسط حسيت اني شغاله بتمسكها
لين يرجع من سفره
كل شي سويته مع امي
عناد عاندت صراخ صارخت عليها
صياح صحت فيها باس قوي ولا طقت لي خبر
هي مستقويه بس علي ليه مادري
من يوم اني بزر بالثانوي وهي حاطه كل حيلها
فيني شك خناق عصبيه تحكم
والله صرت اشك من يوم اني بزر وهي
معاملتها لي غير هي مريضه او لما جابتني
جاها اكتئاب وكارهتي
لدرجه حتى اسمعي ماتقوله
تقول هيه او ذي
خلاص ماقدر اكمل قسم اني اكتب لكم وابكي
صرت احسد الناس اللي مسخر لهم ربي
ازواج واهل واخوات وام وانا ولا شي من ذا