اصعب مكالمه تلقيتها بحياتي

بنات سؤالي ما اهي اصعب مكالمه تلقيتيها بحياتك ؟ وما هي اسعد مكالمه ؟ ' ابدا باسعد مكالمه اكيد بتكون مكالمات الخطوبه والملكه . وكمان اسعد مكالمه لما طلعت فيزتي الاقامه رغم انها كانت معرقله فاتصل زوجي يبشرني وفرحت الحمدلله . اصعب مكالمه يوم من الايام بعد صلاه المغرب كنت جالسه وجاءني رقم غريب رغم اني ما ارد على الارقام الغريبه بس حسيت في شيء لازم ارد الا ويطلع المتصل صديق زوجي يقول يا ام فلان زوجك عمل حادث وانا الان من مكان الحادث نقلوه للمستشفى قلت له طيب ايش حصل له قال ما اعرف اي شي والسياره حالتها حاله انا خلاااص قلت له توصل لهناك تكلمني انا انهرت كان المفروض مايتصل لي الا لما يشوفه ومفروض ماكان يقول السياره حالتها حاله انا قلت مادام حالتها حاله خلاص زوجي انتهى مرت عليا النص الساعه كانها سنه جت لي الوساوس من كل مكان يمكن مات واروح اشوف اخر ظهور بالواتس واقول معقول يمكن يكون هذا اخر ظهور له بالحياه . اوسوس يمكن الان مكسر ووو كنت ابكي والبس اولادي الين اتصل صديق زوجي كنت خايفه مره ورديت الا وهو صوت زوجي بس كان صوته تعبان قلت له اكيد فيك شيء قال مافي شيء شويه فحوصات وجاي وما تطمنت الا لما رجع ونتيجه الفحوصات طلعت بعد اسبوع ضغط في فقرتين واكتشفنا ورم حميد في رقبته وكان الحادث جاء لحكمه عشان نكتشف الورم وسوينا العمليه بعدها للورم .