ام نيرسان اعتذر لك عن تذكيرك لمواقفك ولكن اسال الله العظيم ان يلبسك ثوب الصحة والعاااافية ويرحم والدك ويدخله جناات النعيم

ام راجح ماشاء الله عليك عسااااه دوم ان شاء الله:26:

قمر 15الغربة فيها الحلوو فيها المربس انتي اتوكلي على الله ووالله يعطيك خيرها ويكفيك شرها :)

اصعب موقف يوم اتسمم من اكل تعبت مرره وطلعنا من البيت ومن التعب ماخذت ولاشي لولدي لاحفاظه ولا اكل

وزوجي بعد ماذكرني الله يهديه

ويوم رحنا المستشفى رقدوني عندهم وتخيلو زوجي ماسك ولدي وياعمري وليدي جوعان والبامبرز رايح فيها

وماغير يصيح وانا اتالم من بطني

والمشكله كان وقت فجريه مااقدر ادق على احد وانا من النوع اللي يستحي احط ولدي عند جيران

والحمدلله جلست يوم وطلعت الله لايعيده من يوم ويتمم علينا وعلى كل المسلمين بالصحه والعافيه

بس جد التعب بالغربه مرره صعب واثره النفسي اصعب

آه من الغربه ومواقفها
تخيلو مره رحت ازور وحده من زميلاتي .. وأنا ساكنه في مدينه تعتبر من المدن الخطيره الغير امنه .. المهم زوجي نزلني قدام عمارة زميلاتي وانا نازله قلتلو انا نسيت الجوال وهو كان مستعجل يبغى يلعب كوره مع اصحابو..
فلما نزلني مااستناني لين دخلت العماره لا على طول مشي وادق الانتركم وزميلاتي ماترد واجلس 5 دقايق وانا ادق ولاترد ادق على الشقق الباقيه مافي احد يرد عليا والساعه كانت 7 والوقت شتا وعيالي معايا وبصراحه الوضع مره ماكان آمن ..وولدي يقولي ياماما بردان ومرت 10 دقايق ومافي امل ولا احد يرد عليا..واشوف وحده حرمه تمشي واروح عندها جري واطلب منها الجوال ابغى اتصل على زوجي .. وهيا كانت بعيده شويه عن العماره .. وانا أنقلها الرقم الا انتبه على عجوز طالع من العماره واعتذر منها واجري جري على العجوز واجلس افهمو بليز افتحلي باب العماره.. بس للامانه كان مره محترم والحمدلله فتحلي الباب وطبعا اعطيت زميلاتي تهزئ محترم
وهيا كانت مقفله الانتركم من الليل عشا ن جيرانهم اذا شربوا يجلسوا يزعجوهم.. ونسيت تفتحوا ..
وطبعا لما جاء زوجي ياخذني وحكيتلوا القصه مااستوعب ابدا..
وطول اليوم وهو يتعذر مني .. ويشكر ربي من جهه .. ويلوم زميلتي
وطبعا جتو عقده دحين مستحيييييييييل ينزلني الا ويطلع العماره معايا ولما ادخل الشقه يروح وكمان يرجع يتصل مره ثانيه
الله لايعيدو من يوم...