اصعب موقف مر علي

السلام عليكم
اصعب موقف يمر فيه الانسان وقت بشوف احد من اهله او اقربائه او اصدقائه في خطر:44:
ابوي مسافر وانا وامي واخواتي جالسين تفرج على مسلسل وانا الكبيرة وكان عمري يمكن 15 ماذكر بالضبط واخواتي 6 غيري وكلون صغاااااااااااااااااااااااااااااااااااااااااااااااار وفجاة مدري شو صاب امي معد اتذكر بالضبط الحالة لكن كانت صعبة صعبة كانو معد تقدر تنتفس بعيد الشر عن قلبها وتسردحت على الارض وقالتي بصوت يادوبو عم يطلع وصيتي اخواتك ديري بالك عليهون
وقالت اتصلي بخالتك بسرعة
لانو بعيد الشر عن قلبها حست حالها انو رح ...مافيني اقولها
ووقت قالت هالكلام والدنيا شالتني ماحطتني واسودت الدنيا بعيوني وصرت غصب امسك بكوتي من شان اخواتي :44:
وخالاتي تنيتن اخوات امي ساكنين جنبنا ورحت انا واتصل بخالتي مدري كيف اجتني الشجاعة وطلعت مني الكلمات وقلتلها تعالي بسرعة امي بدها اياكي دون مافسرلا شي وكان هاد غلطي
واستنى واتقلب من النار والجمر والحرقة والخوف على امي لايصرلها شي وخالتي تاخرت تاخرت كتيييييييييير والمسافة بيناتنا فقط دقيتين والدنيا كانت ليل والوضع صعب ماتحملت رحت اتصلت بخالتي التانية ماترد وقمت اتصلت بخالي وخالي هذا بعييييييييييييد كتير عن بيت اهلي وهو رد على الهاتف وسمعت صوتو وانا خلالالالالالالالالالالالالالالالاص طفح معي الكيل ومعد اتحمل وغصيت بالبكا وماعرفت احكي ولاكلمة ومايسمع غير شهقتي بالبكا :icon33: وماعرفت اقوله ولاكلمة وهو يقلي ياخالي شو في فيكي شي ؟
وانا بعد ماشحنت قوتي وتشجعت وقلت ياخالي لحق على امي وسكرت بدون مايفهم شي
وبعدها اتصلت خالتي التانية الي ماردت علي وكنت وقتها تحسنت حالتي وقلتلها واجت بسرعة هي وولد خالتي ودخلو على امي وجابو الطبيب لامي وانا من وقت الي صار ماكنت قادرة ادخل عليها
وبعد شوي والا خالتي الي اتصلت عليها بالاول اجت :mad: :angry2:
وقت شافت هالوضوع قالتلي وليش ماقلتليلي من الاول تاريها مفكرة انو متناقرين نحنا وامي وانو امي بدها اياها تجي لعندها من شان تونسها
واجا بعدها خالي ومعو ولده الكبير والدكتور عطاها ابرة مدري لشو وقلون اذا ماتحسنت لازم ناخدها على المشفى
واستينا شوي ماتحسنت قامو اخذوها على المشفى وانا واخواتي قاعدين بغرفة مع بعض وعم ندعيلها وكانت معنا بنت خالتي اكبر مني وكانت تخفف عنا وتقلي انو مافها شي وان شاء بترجع بالسلامة ومن هالكلام
وبعدا الحمد لله والشكر لله اجت وكانت متحسنة وماعرفت للان شو الي صار معها والحمد لله عدت على خير بالنسبة الهون اما انا
اه عشت برعب والله لو ماكانت قايلتلي على الوصية ماكنت اتخربطت كل هالخربطة
لاوشو بعد ماتحسنت قالت لخالتي اني بعتت وراكي حتى اوصيكي اذا اجت لولادي مرت اب ديري بالك عليهون وخليكي دائما عندهون حتى يعني ماتظلمنا
الله لايمر عليكون موقف فقد احد غالي عليكون والله صعبة وبدعي من كل ربي يطول بعمرهن ويحفظون النا
طالت القصة بس معليش لازم تتعلمو بر الوالدين وانو لاقدر الله رح نندم اذا ماقمنا بواجبهم ومابنحس فيهون الا بفقدهم لاقدر الله
وكان هذا درس قاسي لالي لاني ماكنت ماشية تمام مع امي كنت اعاندها احيانا وكانت تغضب علي احيانا :(ومن بعد الموقف وللان بداريها وبحاول لدرجة اي شي بنغص عليها اوبيزعجا مابقلها ااياه حتى بحياتي مع زوجي واولادي شو من صار معي مابخبرها وهي والحمد لله مبسوطة بزواجنا انا واختي ورضيانة علينا
وانتبهتو من الوصية انو مافكرت بحالها ابدا مافكرت غير فينا هي هنن الامهات
الله يطول عمرها وعمر ابوي واخواتي ويحفظهن من كل شر
الله لايفجعنا ويفجعكون بفقد غالي وعزيز