اصعب واقسى لحظه صارت لي

السلااااااااااااااام عليكم .....) ياصعب هالحظات وياقسيها على القلب اللي مافيه اي قلب يقدر يتحمله مهما كانت قسوته
وماراح يحس بكلامي هاذا اللي اللي جرب وودع غالي وفارقه فراق ليس كأي فراق انت بدار واهو بدار ياصعب هاللحظات خلاص ينسى الواحد يشوفه مره ثانيه في هالدنيا
بدخل في القصه على طول شكلي طولت عليكم
قمت الصباح انا واختي عشان بنروح المدرسه ورحنا وماندرئ وش مخبئ لنا في الغيب
ومر اليوم وانتهى الدوام وطبعا ننتظر اخوي يجي يأخذنا كالعاده ومرت ساعتين البنات كلهم راحوا الا انا واختي واذا دقينا على البيت محد يرد طبعا دخل الخوف فيني
حسيت في شي صاير اول مره يتأخرون اهلي كذا
وطبعا بعد ساعتين نادى الميكروفون علينا وطلعنا اللي جاي ياخذنا مو اخوي ولا ابوي والله غريبه جايين خوالي ثنين اول مره تصير تخيلو يابنات مالبسو عقل وحزينين هينا درينا ان فيه شي بس وشو الله يعلم
والصمت حل بالمكان ننتظرهم لساني خلاص مايقدر يبوح بكلمه وطبعا المدرسه قريبه لم البيت ويوم قربنا عند البيت خالي التفت علينااااااااااا وهينا الصدمه قال كلام ياليته ماتكلم يقاله يبي يخفف علينا قال اصبرو المؤمن مبتلا وكلنا بنموت ومن هاذا الكلام بعدين قال
في واحد من اصدقاي توفئ ابوه وصبر واحتسب هينا خلاص انهارت اعصابي وصرخت انا واختي نبي نعرف اهو خلاص معد عرف يتكلم وسكت وصلنا للبيت الباب عنده سيارات ودخلت للبيت ولقيت رجاجيل في الخيمه ودخلنا جوات البيت امي وخالاتي الكل يبكي طيب قولوا لنا وش الللي صاي
الكل ساكت ويبي الثاني يتكلم موب عارفين وش يقولون لنا وابوي واخواني موب موجودين يالله ياصعبها هاللحظات ورن التلفون ورفعت اختي السماعه قال عظم الله اجركم في( فلاااااااان
)فلان هاذا صار اخوي اطيب وانظف قلب في الوجود والله يابنات الكل يحبه ويموت عليه حتى الصغار يحبونه
هنا خلاص بغيت اموت من البكا يارب مو مصدقه ماااااااااااااااات لا قولوا انه حي مامات ادور في الغرف رحت غرفته لقيتها مقفوله كنت ابي اشوف يمكن يكذبون علي يمكن يصير مامت تدرون يابنات انه داق قبلها على عيال عمي ويقول من زمان ماشفناكم تعالو الاربعا تخيلوا ومات نفس اليوم اللي عزمهم في
ومن مواقف بعد تخيلوا امي طلبت اني احني يده قبل العيد وطبعا قلت له يمه بيطبع ويفشلني في العيد قام على طول
وحنا يدها ويقولي وش فيها الحنه عادي لو طبع يالله ياصعب هالذكريات على القلب لمن يتذكرها الواحد طبعا ابوي يوم دري انه توفي ماصدق راح للمستشفى يقول يمكن يصير موب هو تخيلوااااااا
يارب تجمعنا به في الجنه مات اخوي في حادث سياره وعلى طول جاه نزيف في الدماغ عمره ثلاث وعشرين كان الله يرحمه يبي يتزوج ويقول دورو لي بنت حلال يارب يرزقه من الحور يارب واعذروني على الاطاله بس ابيكم تدعون ان الله يجمعنا به في الجنه يارب