اصعب و اطرف موقف للسمينات

السلام عليكم

ما عرفت وين بدي حط هالموضوع , بس حبيت حطو هون لانو بهم هالشريحة من بنات حواء و الي هني السمونات :30:

بعد ما اشتريت كتاب تركي الدخيل "ذكريات سمين سابق" و قرأت شوي منو حبيت فعلا انو نحنا نحكي بنفس الموضوع الي طرحو بكتابو والي هوي المواقف السخيفة و المؤلمة الي بيتعرض الها السمين و السمينة ....
و بما اني من مجتمع السمينات حبيت حط هالموضوع لنتشارك آلامنا و احباطاتنا و خجلاتنا قدام العالم و رح بلش بحالي اول شي

من المواقف المؤلمة و المحرجة الي تعرضت الها
مرة كنت راجعة من سوريا للامارات و انا عند الوزن , عم اوزن اغراضي بيجي بيسألني الموظف ( المدام حامل:32: ) طبعا انا حسيت كانو حدي ضربني كف على وشي:D ( لاني آنسة للاسف:44: ) و قلت لحالي لعمى يعني ما مبين اني كبيرة و متزوجة و بس ,لا و حامل كمان , ايجيت قلتلو لا , و كنت بدي قلو انو انا آنسة (اعتزاز بالعنوسة طبعا:hahaha: ) بعدين قلت يا بنت سكتي و خليكي بكرامتك قدامو احسن ما يتمسخر عليكي اكتر

و مرة يا جماعة الخير كنت قاعدة مع رفيقتي و امها و مدري شلون انفتح موضوع السمنة ايجيت انا عم قلون و الله انا لما ايجيت على الامارات زدت شي تلاتين كيلو ايجت ام رفيقتي الله يخليها قالتلي ما شاء الله يعني بحجم خاروف صغير و صارت تضحك :hahaha: انا عن جد ما كنت متوقعة انو تحكي هيك و كمان حسيت كاني اخدت دوش مي باردة و انا قاعدة :eek:

و ما بدي احكيلكون عن الشغل و لما بحكي مع موظفة ما حاكي معها قبل هالمرة و بتعرف اني بنت و ما متزوجة , بتقلي و الله صرلي زمان بشوفك و كنت مفكرتك متزوجة و عندك شي ولدين تلاتي و شوفو انتو شعوري بعد هالحكي ما احلاه :(

على كل يا ريت تشاركوني و تكتبو المواقف المضحكة و المؤلمة و المحرجة الي تعرضتولها بسبب سمنتكون :30:

وسلام للجيمع