الديكور 😌 !! اجمل احساس بالكون انك تعشق بجنون ودا حالي معاه 😍 خخخخخخخ.
راح اخذكم اليوم بجوله سريعه مع 🌼 اللون الاصفر 🌼 بالديكور او بالبيت بشكل عام .
.بالأول بتكلم عن دور اللون الاصفر بالديكور وتأثيره مع ارفاق صور تدعم كلامي باذن الله.
.واخر شي راح اعطيكم رائيي بهذا اللون وشنو افضل بما ان عندي خبره بهذا المجال 😌 احم احم ،، محد سألني 👀 ؟! اوكي 😅🌼يالله نبدأ بسم الله 💛 اللون الاصفر 💛يرمز الى الثراء؛ والسبب في ذلك يعود الى أنّه لون الذهب والشمس ☀️.
ومن سلبياته هو اللون الذي يرمز الى الخديعة، والغش وكذلك المرض والابتسامة المتكلفة التي تكون دون شعور حقيقي بالفرح تسمى ابتسامة صفراء 😏 (( اذا شفتو انكم وصلو لهاذي المرحله شيلو اللون من بيتكم قبل لا تنقلب معارك طاحنه بينكم )) 🤣.
نجي للمهم وين ممكن نستخدم اللون الاصفر في البيت 🤔 ؟! معاكم دقيقه لتفكير ⏳ !! خلصت الدقيقه انا اقولكم 😅🙈
نستخدمه في كل قطعه وزاويه يعني شلون ؟؟ يعني بالاثاث والمطبخ والحمامات (( كرم القارئ )) والمداخل والملابس والاكسسوارات ، الكماليات وهكذا .
بالجزء اللأول من الموضوع راح اخذ البيت من اوله الي هو غرفة المعيشه (( الصاله )) بما انها اكثر الاماكن استخداما بشكل يومي لازم تكون مفعمه بالحيوة 😄 وفيها من الالوان الي تمدنا بالطاقات الايجابيه (( هي ذوق ورغبه لان في ناس ماتحب هاللون فتقدر تستبدله بأخر يؤدي نفس الغرض يعني مو محكور بلون واحد )) 😉.
ملاحظه (( هذا اللون ينفع للعائله او الاشخاص الي يتمتعون بالنشاط الفكري او الاجتماعي يمدهم بالانتعاش والتجدد الدائم ))
.نبدأ بالصور
تم استخدام اللون الاصفر كمكمل للاثاث (( خداديات + كرسيين منقوشين بالاصفر + سجاد )) المكان مريح للعين + غير متكلف.
وهنا ايضا تم استخدام اللون كمكمل للاثاث واكسسوار .
أو
وبصورتين تم استخدامه كمكل للاثاث ( خداديات + اكسسوار مثل الورود )) ولو تلاحظون كل الصور تم ادراج ودمج عدد من الالوان مع بعض راح اوضحها باخر الموضوع باذن الله
.الصوره الي الحين راح يكون اللون الاصفر هو الاساس وليس المكمل شلون راح يكون شكله او طريقه استخدامه
امممم حلووو ، لان تم استخدامه على كرسي واحد قد يستخدم لزاوية غرفه للاستراحه أو ركن بالمكتب خاص للقراءه (( ولو استخدم لكامل الاثاث بغرفة المعيشه راح يكون لون متعب لنظر وينرفز ونرجع لسلبيات اللون اول الموضوع خخخخخخ. وعلشان يكون مريح للعين دخلو معاه نقوش بيضاء وثرو ابيض لتخفيف حدت اللون وايضا لكسر بهتان الالوان مع الجدران حطو قواعد الكرسي والطاوله مع الارضيه لون غامق لتناسب الالوان .الحين راح احط صور بعض الكماليات والاكسسوارات باللون الاصفر كفكره وتغذيه بصريه ،.
. استخدمت بالاباجورات وتم كسر حدت اللون بالرمادي
. لوح جداريه من غير ايطار ،
فازات تستخدم للمداخل او بجانب طاوله التلفاز وغيرها.
مزهريات ورد لطاولات الطعام ،
.الحين نجي لرأيي بالنسبه للون الاصفر ، أنا افضل يكون للكماليات والاكسسوارات يعني مايكون اثاث اساسي للمكان لأن اللون راح يطغي على الالوان الثانيه الي بدخلها معاه غير انه راح يحد من تجدد الصاله مثلا (( لو بغير الكماليات للون ثاني وردي فرضا صعب يتناسب مع اللون الاصفر فيحد من اختياراتي عكس لو كان لون الاثاث بيج او رمادي فاتح راح يكون في امكنيه ادمج اي لون معاهم بدون اي مشاكل )).
النقطه ااثانيه درجة اللون تكون مثل الصور وسط او فاتحه اما اللون الغامق والفاقع يكون متعب وشاذ من بين الاثاث الثاني ،.
نجي لنقطة الالوان ودمجها مع بعض (( اذا فكرتي تحطين لونين لأي غرفة بالمنزل لاااااااازم تدخلين معاهم لون ثالث ورابع بعد اذا امكن ، ليش طيب ؟!
١/ لان لونين راح يكونون متعبين في البحث لان مو كل الاثاث او الكماليات والاكسسوارات تكون متوفر بهاللونين فقط يمكن تلاقين شي وشي ماتلاقينه
٢/ تكون الغرفه كأنها مخنوقه مافيها روح وممله نفس الصوره تحت اعتمدو على اللون الابيض والاصفر بدرجاته ، لو مدخلين معاهم لون سماوي او رمادي كان غير شكل الغرفه للافضل ب ٣٦٠ درجه.
.٣/ واخر شي للي مو عارفه شنو تختار الوان متناسبه مع بعض تلجأ لي عجلة الأالوان أو باليت الالوان بساعدونها كثير ، وباذن الله اذا قدرت راح احط لكم موضوع عنهم .وشكرا لكم على المتابعه ، يتبع
الجزء الثاني من موضوع الديكور بالاصفر للي بتكمل الموضوع للاخر
https://www.hawaaworld.com/اصف...
طرح موفق بارك الله فيك