اصفى وانقى بشره والله راح تدعولي

اليوم حابه اقول لكم عن سر اكتشفته او جربته وكنت قارئه عنه في الكتب وهي ال(بارفين واكس) وهو الشمع اللي يذوبونه في المكينه ويخلون يدهم فيه ورجولهم علشان تصير ناعمه مثل الاطفال وفي كتاب تجمليلي كنت قريت عنه انه يزيل تصبغات البشرة من اليد وفيه انه جدا مفيد للبشرة وازالة التصبغات وخاصه بعد وضع الفيتامينات على الوجه فجربته والله اني ما اسوي الحين فيشل الا معاه وهو جدا رخيص تراه تلقينها في المحلات اللي يبيعون ادوات الصالونات مثل ( نزيه - صبايا وغيرها وسعرها دينارين يعني 20 ريال سعودي بس خذي قطعه صغيره وذوبيها

في قدر يعني سويلها حمام مائي بعدين خذوي بروش وهذي يفضل انك تسوين تنظيف وتقشير قبلها مثل ما انا اسوي وحطي فيتامينات وخذي فرشاه وحطيها على وجهك بالفرشاه وخليها لمده ربع ساعه بس :time: وشيليها
وشوفي النتيجة وخاصه بعدها بيوم راح تشوفين ان بشرتك تغيرت ونظفت وايد

وعلى فكره انه صرت استخدمها لكل المناطق الغامقة والله انها روعه وخاصه بعد ما ازيل الحلاوه في المنطقة الحساسه حطي زيت الزيتون وخلي الخلطة

وعلى فكره بعد ما تشيلين ( البارافين واكس ) يعني الشمع اللي جف على وجهك ممكن تسخينه مره ثانيه وتخلينه مره ثانيه على وحهك يعني ما راح تشترينه كل مره وراح تشوفي نتيجه والله ان روعه كلمه قليله عليه


واللي شافت نتيجه وانه عن ثقه ***** الله انكم بتستانسون من النتيجه لأني شفت بعيني تأثيرها على البنات بعد ما نصحتهم فيها ادعولي الله يسهل لي اني اخلص من بناء البيت بسرعه ويسر لأني تعبت وايد من الانتظار


واتمنى لكم وجه صافي ومشرق على طول