اصلحي نفسك تصلح حياتك من واقع تجربتي

السلام عليكم ورحمه الله وبركاته
مالي بالمقدمات كثير فاعذروني على بداياتي أنا من ٣سنوات تقريبا كنت متابعه لكل أقسام المنتدئ ما أتوقع فيه شي ماسويته من خلطات لمعلومات لنصايح حتى اذا قريت مشكله بين عضوه وزوجها سويت نفس النصائح كل هذا لأحاول اعدل حياتي مع زوجي خلوني اعرفكم على نفسي شوي
انا حاصله على الشهاده الثانويه ولله الحمد على قدر من الجمال ولكن مهمله بنفسي قليلا متزوجه من ٥ سنوات لم ارزق باطفال بعد رزقني الله بالحمل الان ب٤اشهر اسأل الله ان يثبته ويبشرني برؤيته سليم معافى ويرزق كل محرومه ياااااارب
مقومات الانوثه موجوده لكن مهملتها ولا اعترف فيها من صوت لدلع بالاسلوب كنت افتكر لمن اشبع بطنه بيموت فيني وبينسى كل النساء
صحيح كنت مهتمه بزوجي لحد ما لكن مقابل ذلك قصرت بأشياء مهمه ايضا قصرت بنفسي البس واكشخ فتره وأهمل فتره. اهتم ببيتي فتره وأهمل فتره. أمسك صلاتي فتره وأهمل فتره بالمختصر لا استطيع الالتزام بشي أقوم بواجبات زوجي ولكن بدون رغبه حتى انعكس ذلك عليه صار يقوم بحقوقي لكن بدون اي رغبه وسبحان الله ألحرمه تحس بزوجها اذا كان راغب فيها او بس مجامله وكنت أزعل عليه ولم أزعل على إهمالي وعدم رغبتي ذبحني الروتين اليومي نفس الموال كل يوم العصر غداً وننام للعشاء ونصلى على الجوالات لوقت مانجوع اطبخ ونرجع ننام وإذا غيرنا تعشينا برا ورجعنا وكل واحد مشغول بجواله ومعارفه بجهازه وزوجي من تزوجته اللهم لك الحمد والشكر مصلي الصلوات بوقتها ويخاف ربه ما عمره من ناحيه المغازلات او شك حتى زعلني لكن بعد سنتين وكم شهر احسه تغير كم مره انتبه له محتفظ بصور لمذيعات او ممثلات وكم مره يبحث عن ممثلات أجنبيات ولمى أساله يقول الشباب يتكلموا عنها وانا مااعرفها ويوم سألته وش يقولوا عنها قال جسم وكشخه وخرابيط الشباب قلت ودامها خرابيط مهتم تشوفها وتبحث عنها ليش ملييييييت من حياتي وكنت وقتها جالسه أتفرج على مسلسل وأفكر بحياتي والله لانتبهت للمسلسل على كلمه قال الممثل لزوجته يقول بالله انتي زوجه تعتبري نفسك أنثى وين الدلع وين الكشخه وين الرقة واحسه يكلمني وربي بجد أنا من النوع الي صوتي عالي وكم مره يعلق زوجي وكنت أقوله الدلع مااحبه وهذا صوتي عجبك وإلا بالطقاق واضحك كنت دائم ارادد باي كلمه المهم أني ما اسكت زي ما يقولون وأتركه وهو معصب لا اجلس لآخر نفس كنت اكشخ لكن زي ماقلتلكم لفترة وأهمل فتره حتى شعر جسمي أشيله بالشمع واجلس فتره لحد مايطول زياده عن الحد ما أفكر أشيله المنطقة الحساسه من الإهمال قلب لونها لبني غامق شعري مااذكر متى استشورته لبسي اكثره من جهازي ما غيرته واشتريت كم قطعه جديده ومالبستها خليتها للضيوف اكشخ ما عندي اخليه للضيوف مهمله جسمي زاد بشكل واضح بجد بكيت وبكيت لحد ما نمت مكاني كان هو بالمجلس جاني الفجر واستغرب نومتي بهالوضعيه فاتوقع عشان كذا صحاني رحت نمت ودخل نام معاي كلمته وهو نص نائم قلتله فلان تحبني مسك راسي قال لو ما احبك ماخليتك على ذمتي دقيقه تأكدي من هالشي وباس يدي ونام حسيت براحه وحسيت برغبه كبيره للتغير نمت نومه لأول مره اشبع وأحس بنشاط ورغبه للحياه ومقابله زوجي المهم راح الدوام وانا بالحمام الله يكرمكم عشان مايشوف شكلي وهذي رغبتي لآني عزمت اعدل حياتي خرجت ومسكت النت وفريت كم منتدى مالقيت الي ببالي رحت المطبخ حصلته مكركب والاغراض بالثلاجه مكركبه وماادري وش موجود ووش ناقص المهم بحثت عن ارقام شغالات بالساعه لحد ماحصلت وحده واتفقت معاها اليوم الثاني تجيني من ٤ العصر وبيومها نظفت غرفه الجلوس وغرفه النوم تنظيف عميق وبجد مااخذت مني تقريب ٣ساعات حطيت زيت طبخ بشعري لان ماعندي اي زيوت للشعر ولا اغراض ماسكات ورحت شلت شعر جسمي ووجهي وحطيت زيت زيتون لانه يقلل نمو الشعر وعملت الغدا ولله الحمد الشي الي ابدع فيه وخلصت كل اشغالي على الساعه ٢الظهر وانا هلكانه تعب من ٩ وانا الف وادور على رجليني فتحت شبابيك البيت ودخلت بمواد التنظيف الحمام تحممت وتدلكت مزبوط لاول مره ونظفت الحمام وطلعت رحت دورت اقصر فستان حصلته لحد الركبه قلت كويس يغطي سواد ركبتي لاني اهملتها وغمق لونها حطيت بودره وعطورات من حقت الضيوف طبعا واستشورت شعري وحطيت روج خفيف ولبست وهذا اكبر غلط ان الانثى ماتعرف تحط مكياج لو هادي كان مكياجي باي مكان كحل وروج واحيان اساس فقط وارسلت لزوجي ولاول مررررره قبل جيته بربع ساعه واحشني لاتطول واتصل ومارديت بجد حسيت بخجل والله مدري هو من تقصيري او لاني اول مره حسيت اني صرت انثى برغبتي ولزوجي مو للضيوف وصل على ٤ ونص وقبلها حطيت بالمدخل فواحه وفاحت بسرعه لان شقتي صغيره مو كبيره مره ورحت فتحت باب الصاله وحضنته بقوه وصممت اني ماابين له اني حسيت بتقصيري وباحاول اعتدل قلتله جهزت بجامتك عالسرير بدل على مااحضر الغداء والله يابنات مارد الا بابتسامه من صدمته تغدينا ورحت برتب المطبخ على خفيف وانصدمت الا يناديني له فوق السنه و٥ شهوريدخل ينام ولا يدري عني قلت لبيه قال تعالي نامي خلاص شغل ريحي شوي انا بالظلام بس حسيت عيوني بتطلع من مكانها انا توي بتغيري وعلى طول النتايج بدت اجل لو كملت كل الي ببالي وش بيصير حاولت بكل قوتي اوطي صوتي مو كثير بس شوي عشان اعوده مو بين يوم وليله لاني ماحقدر بهالسرعه قلت ابشر دخلت وتعطرت بعطر خفيف ونمت وطبعا وانا احظر الغدا جهزت سمبوسه وحطيتها بالثلاجه ولمى صحيت العشاء رحت لبست بنطلون جينز وبلوزه كشخه بس هاديه حطيت السمبوسه بالفرن ورحت صليت وهذا اول وعد اخذته على نفسي اصلح صلاتي وعدلت مكياجي وزودت عطر ثقيل شوي وعملت عصير وحصلته صحي قلتله صلي وتعال ورتبت الطاوله قدام التلفزيون وشمعتين والعصير والسمبوسه وزوجي ماعنده اي تعليق الا الابتسامه المرسومه لكن بداخلي واثقه انه شايف الفرق ومبسوط منه وبعد مااكل قال وش فيك اليوم صاير شي ويضحك قلت لا حبيبي بس الفتره الي راحت كنت تعبانه نفسيا لدرجه مو طايقه نفسي واثر تعبي على حياتي بس كثير نصحوني اقرا او اشغل سوره البقره كل يوم واحاول اغير الروتين وقال وكيف الحين احسن قلت مليووون بالميه فرق والله انه لاول مره بعد شهر العسل يشغل التلفاز وياخذني بحضنه نتفرج سوا بجد دمعت عيني


باتوقف لحد هنا لاني حابه اقسم. قصتي لكم مقطع لان رحله تغيري ماصارت بسهوله بجد تعبت حيييل فيها ويشهد الله ماكتبتها الا حب فيكم واتمنى منكم الدعاء لي بشوفه مولودي بصحه وخير وتحقيق كل احلامي ولكن بالمثل وعشان تعم الفايده بكتب خطوات مشيت عليها واشياء استعنت فيها لحصولي والحمدلله على حياه ورديه كما كنت اتمنى واكثر