اصنعى حاجاتك فى بيتك واهتمى بجسمك ووجهك ووصفات للتبييض والهالات السودا وماسكات للوجة

بسم الله الرحمن الرحيم

السلام عليكم

فى الموضوع دة جايبالكوا شوية حاجات ان شاء الله تستفيدوا منها

كلنا بنقعد نسمع عن خلطات من هنا ومن هنا ومش عارفين او مش ملاحقين عليها وكمان ساعات بتبقى فيها ماركات ومكلفة ف انا فى الموضوع دة هعملكوا جدول بسيط وازاى تعملى كل حاجاتك وكريماتك من المنزل
هنبتدى بالحاجات الى هنعملها للجسم ودى هتبقى كل اسبوع

اولا الجسم

الصنفرة \ مكونة من (ملح + ليمون )
هندخل نستحمى عادى بالليفة العادية وبعد ماننضف الجسم كوبس نبتدى نحط ملح على الجسم كلة ونفركة كلة بالليمون وندقق على الاماكن المسودة فى الجسم لو كان فى وبعد مانفرك الجسم كويس بالليمون نستنى حوالى دقيقتين مش اكتر ونغسل الجسم كلة وبعد كدة (سكريب للجسم ) صنفرة برضة وهى عبارة عن نجيب ترمس مطحون ونعجنة بماء ورد ونحط على الجسم من تحت لفوق طبقة ونخليها تنف على الجسم ونحط طبقة تانى ونخليها تنشف وبعدين نفرك الجسم بليفة مغربية ونفرك نشطف الجسم وصدقونى والله انا مجرباها بتجيب نتيجة حلوة وكمان بتخفف من السواد ومن الخطوط البيضة ومع الاستعمال بتوحد لون الجسم وبعد كدة بنخرج من الحمام ونحط على الجسم (كريم ملطف ومبيض للجسم ) ولى هوة عبارة عن فازلين نحطة فى علبة ونعصر علية نصف لمونة صغيرة ونص معقة زيت لوز وشوية من اى كريم مرطب بالعسل ونخلط جامد لحد مايصير زى الكريم طبعا هنحط فية دهن عود او مسك ابيض عان الريحة وتدققى على الركب والاكواع واى منطقة فى اسوداد وكدة تبقى خلصتى من العناية الاسبوعية للجسم

العناية اليومية
ودى برضة للى عندها خطوط بيضا او اسوداد فى الركب او اى منطقة

يوميا ندهن الجسم بزيت لوز والكريم الى وصفتة فوق ندهن بية قبل النوم او الى تحب انها تدهن بودرة حسب الذوق وطبعا فى ش
غلات تانية بس انا بتكلم على الحاجات الاساسية

الوجة
عايزة اقولكم حاجة لما بنسمع عن اى حاجة ونجربها كتر التجربة بترهل الوجة وممكن تسبب مشاكل على المدى البعيد هادخل فى الموضوع

العناية الاسبوعية
الحاجات الى هنحتجها هى
1\ حليب منظف الى هوة الحليب العادى الى فى البيت بقطنة وننظف الوجة وبعد كدة نعمل

\ (صنفرة للوجة ) وهى عبارة عن سكر بنى او سكر البيض ناعم مع شوية عصير ليمون ونفرك الوجة بس انتبهوا واحنا بنفرك الوجة لو فركناة غلط هيسبب ترهل فيما بعد فالطريقة الصحيحة هى انك هتدعكى الرقبة من اسفل الى اعلى وترجعى تانى من اسفل الى اعلى والوجة هتحطى ايدك على ذقنك وتمشى بالاطراف فى حركات دائرية ناحية اليمين وكذلك ناحية المال والجبهة من منتصف الجبهة الى برة مرة يمين وبرضة مرة شمال لمدة دقيقتين ونغسل وننشف الوجة بالفوطة على طريقة طبطبة

( حمام البخار ) نجيب حلة ونملى نصها مياة ونحط فيها حوالى 3 او اربع ورق بقدونس لصفاء البشرة ونحط فوطاة على راسنا عشان نستفيد من البخار ويكون مدتة ربع ساعة ولا تكترين وبعديين ننشفة الوجة بطريقة برضة الطبطبة

وننظف الوجة (بالتونيك الغير قابض ) الى هوة عبارة عن قر لمونتين وقر برتقالتين و3 كاسات مياة نحطهم على النار ونغليهم حوالى ساعة ونسيبهم يبردوا ونحطهم فى زجاجة وبعد مانستعمل منة نحطة فى الثلاجة ومدة حفظة فى الثلاجة من اسبوع الى 10 ايام المهم نجيبة طبعا بنكون مجهزينة من قبل ونبلل قطنة بالمحلول ونمشى على الوجة والرقبة بنفس الطريقة الى قلتها للصنفرة وبعد وبقطنة تانى نظيفة فيها مياة دافية شوية تمسحية عن وجهك وبعدين تحطى اماسك الى انتى عايزاة وانا احسن ماسك جاب معايا نتيجة هوة( ماسك الجزر) بالعسل عبارة عن نسلق جزرة ونضربها فى الخلاط وبعد نحط معلقة عسل ومعلقة زبادى ونخلطهم ونعمل بيهم قناع لمدة 15 دقيقة هذا القناع فية فيتامينات ويحافظ على النضارة ويصفى الوجة بس جربوة وادعولى واذا خلصت الربع ساعة بتغسلى وجهك بمياة الحنفية ونضع (التونيك القابض للمسام ) ماء الورد وكدة خلالالاص

نيجى للعناية اليومية

اول ماتصحى من النوم تغسلى وشك بمياة عادية وتحطى التونيك غير قابض الى انتى عملتية وشلتية فى الثلاجة عبارة عن قشر الليمون والبرتقال وتاخدى قطنة وتبليها بالمحلول وتدهنى وشك برضة بالطريقة الى قلتلك عليها بتاعة الصنفرة وبعدين تغسلية وتاخدى (كريم مرطب) الى هوة عبارة عن فازلين ونقطتين ليمون لا تكثرى ونص معلقة زيت لوز صغيرة ونصف معلقة زيت زيتون وتخلطيهم جامد لحد مايبقوا زى الكريمة ودة تحطى منة مرة الصبح ومرة بليل بس لا تكثرى وانتى هتجيبى خيارة وتعصريها وتخليها وتحاولى 3 مرات فى اليوم تبللى قطنة وتدهنى وشك بعصير الخيار وماتغسلهوش ولو حبيتى يبقى بعد فترة ودة الطريقة لو لازمتى عليها اولا نظافة ثانيا هتشيلى كل العيوب الى فى وشك من هالات سودا لكلف لكل حاجة الى عندها حبوب ماتحطش ليمون وطبعا ماتنسي مع العناية بالجسم والوجة الارجل

للحصول على ارجل ناعمة وحمرااااا دى خلطتى انا وعلى فكرة كل حاجة انا مجرباها على نفسى ودة الجدول بتاعى
:04: برضة ملعقتين جلسرين وملعقتين جلسرين ونجيب زبدة الكاكاو الحمرا ونحطهاكلها مع المكونات ونقطتين او 3 ليمون ونخلطهم جامد جدا ودة بعد مانخلص الرجل خالص ندهن بيهم الكعب كعب الرجل فقط ولسطح الرجل نفس المكونات بس مانحطش زبدة الكاكاو الحمرا

ولنعومة الايد طبعا من غسل الصحون وف الشتا بعد ماتخلصى حطى فى راحة يديك شوية عصير ليمون وحبة سكر ناعم وادعى برفق وبعد كدة ندهن كريم رطب من الى قلنا عليهم وبكدة يبقى عملنا فى البيت

1 - اللسيون التونيك الغير قابض 2- الصنفرة (سكريب للجسم )

3-التونيك القابض للمسام 4 - كريم للجسم برائحة المسك

5- كريم ملطف ومبيض للجسم 6 - كريم ملطف ومبيض للوجة

7 - كريم للكعب والارجل

ودى حابة ماسكات برضة من تجربتى ممكن تستخدمى اسبوع ماسك والاسبوع التانى ماسك غيرة

ماسك تفتيح (ماسك الخميرة ) معلقة خميرة ملعقة خل تفاح لبن ذبادى ونترك لبن الزبادى يتعفن لمدة يومين ونخلط المكونات ونضعهم على الوجة لمدة ثلث ساعة مرتين فى الاسبوع

2- لمقاومة التجاعيد (ماسك الموز) نهرس ثمرة موز ونضعمعلقة لبن كبيرة ونخلطهم ونضعهم على الوش لمدة ربع ساعة ونشطف
3- (قناع البيض ) للتبييض بياض بيضةوخمس نقاط عصير ليمون نحطهم عشر دقايق ونغسل الو بماء وبعدن مياة الورد

4 - للهالات السوداء (فازلين وكركم ) كل يوم لمدة 3 اسابيع او استخدمى عصير البطاطس وعصير الخيار

يارب تكونوا استفدتوا من الموضوع وماطولتش عليكوا و