مرحبا بنات ^_^
بصراحة هذي أول مشاركة لي معاكم هنا في قسم.. برغم اني أحب الفنون والرسم بس ما اشتغل كثير
بس عملت شي وحبيت اني اشارككم فيه وانا عارفة انه طبعا مايرقى لمستواكم ماشاءالله فيه ناس هنا مبدعين
بس اعتبروها هدية مني لبناتكم الحلوات..
هذي هيه الصور واذا عجبتكم تفضلو الخطوات اللي ولا أسهههههل منها أبداً
اعذروني باقي الصور موراضية تنزل .. بشوف ايش المشكلة واحاول احملها مرة ثانية..
مؤقتا اتمنى انه هذي تكون واضحة..
اختي الصغيرة كان عندهم درس في الفني (صنع حلي بعجينة السيراميك)
ومن هنا جات الفكرة..
كل اللي تحتاجيه::
عجينة سيراميك بيضاء
ألوان مائية
مسطرة –مقص-مشرط
أعواد اسنان
خيط ملون
ابرة
مناكير شفافة أو شبه شفافة بأي لون تحبيه.. وتقدري تستخدمي اي مناكير قديمة عندك
دبوس حلق قديمة ...
صمغ
الخطوات:
اقطعي جزء صغير على قدر حاجتك من العجينة واعيدي الباقي في الكيس عشان ماتجف
ابدأي بتشكيل الأشكال التي تريدين عملها واذا أردتم نفس الشكل اللي انا عملته
اعملو قطعة مربع للقلادة وارسمي عليها الرسم اللي تبغيه بأعواد الأسنان ثم اتركيها تجف قليلا
واعملي الخرزات الدائرية بتشكيل العجينة على حبات خليها تجف شوية
بعدين ادخلي الخيط في الابرة وابدأي بشك الحبات والمعين في النصف لا تنسي بس بحرص كبير كي لا تتكسر لأن العجينة زي ماقلنا لم تنشف نهائياً...
-لوني القطع بالالوان التي تريدينها واتركيها تجف
-ثم آخر خطوة ضعي طبقة من المناكير عليها أو على اجزاء محددة حسب الرغبة
بالنسبة للحلق او القرط كله بنفس الطريقة
شكي الحبات في خيط طويل قليلا والقطعة المربعة فوق قبل ماتشكيها في الخيط .. ثبتي فيها دبوس الحلق من الخلف جيداً.. اتركيها تجف قليلا ثم شكيها في الخيط.. يربط الخيط في آخر ويثبت بغراء في الخلف كي لا يبرز..
تحياتي لكم..
سمووورة :27:
