اصنعي اللوشن العطري الخاص بك

السلام عليكم
هلا فيكم كلكم ....
إشحالكم وش حوالكم!!
:21:

يابنات عندي لكم وصفه أرجو إنها تعجبكم .. وهي عباره عن عمل كريم (لوشن) عطري لكي وحدك سيدتي ... يكون خاص بج ... وخلطتج السريه ...


كل الي تسوينه إنج إتيبين أى كريم (لوشن للجسم) مافى ريحه أو ريحته خفيفه جدا مثل دوف الأبيض (Dove) أو جلسويد الأحمر أو أي لوشن ثاني إنتي تفضلينه بس شرط يكون عديم الريحه.

وتيبين عطرج المفضل المركز ( عطورالتوله المركزه) من أجمل أو عبد الصمد القرشي أو أي كان ...

المهم، إذا يبتي المكونات عاد ما باجي إلا انج تخلطينهم ... وهنيه تيي الشطاره!! :42:

الكميات المخلوطه تكون على ذوج صاحبت الخلطه .. ومن هنيه يجي سر الخلطه ...
يعني مثلا جياس علبه بريل كريم المتوسطه تملينها باللوشن الي تحبينه ومعاه تخلطين توله وشوي من العطر المركز الي تفضلينه ... ووووبس شني خبرتكم سر خلطة إختي :07:
بس هم ها يعتمد على مدى قوه العطر ...

ها الوصفه مني إهداء لكل حواء متزوجه في ها المنتدى... إستخدموها تراها مفيده .. ;)
:26:
أما الي بعدهم في بيوت أهلهم مثلي :32: حسره علينا ... لا تزعلون ... تراني هم أنا أستخدم شوي من اللوشن المعطر الي سوته إختي علي يديني . وبس أحطه الكل يسألني شو العطر الي حاطتنه .. وعاد أنا أرد عليهم : سسسسسسسسسسر :33: