رغم اني متعلقة بالاشياء الفنية مررة إلا انو هادا اول موضوع ليا في هادا القسم
دي الفترة ماادري اشبي على الدفاتر :/ كل مااروح مكان ادور على دفاتر حلوة واتفرج عليها يمكن لأنو الجامعة قربت هههههههههههه
المهم انو امس عملت دفتر فكرتو عجبتني لكن غلطت وكتبت عليه لو اني ما كتبت كان حيطلع شكلو احلى
الزبدة اني صورتلكم الخطوات ممكن للمتزوجات اللي عندهم اطفال يروحو روضه او مدارس تسويلهم هوا او ممكن انتي تعمليه لنفسك وتخليه دفتر للطبيخ او دفتر ذكريات او....او......الخ
كل اللي نحتاجو هوا:
ورقتين مقوى (انا ماكان عندي الا هادا اللون فاستخدمتو)
3 -او على حسب حجم دفترك- اوراق من كتاب انجليزي عندك او من جريدة انجليزية
اوراق من دفتر (20 او 30 او 40 ورقة) على حسب ما تبغي
غرا
لصق
مقص او قطاعة اوراق (انا استخدمت قطاعة الاوراق)
مرسام
قلم بويا او قلم سبورة
رسمة حابة ترسميها على الدفتر
الخطوات :
اول شي رح نزبط الورق ونرتبو
انا كان حجم الورق اللي بالانجليزي اصغر من الاوراق الدفتر اللي حاعملو فـ قصرت الورق
تاني شي غريتو من الجنب
من الاوراق اللي قطعتها وانا بأرتب الاوراق حطيتها في الجنب مكان الغرا عشان تمسك اوراق الدفتر مع بعض
دحين نحط الورق المقوى ورح نمسكو بس من الجنب (محل ما غريت عشان امسك الاوراق)
بعدين رتبت الاوراق الانجليزية (قصيت رقم الصفحة ورتبتو من الجنب محل ما شقيت)
بعدين غريتهم فوق الورق المقوى (كأني باجلد يعني)
بعد ما غريت الاوراق
رسمت الرسمة اللي اخترتها على الجنب طبعا اللي ماتعرف ترسم بالقلم على طول ترسم بالمرسام اول بعدين القلم
انا رسمت بالقلم على طول والدفتر كان حلو جيت كتبت عليه اتخبصت الدنيا ههههههههههههه بس قريبتي قالتلي انو حلو :/ انا خطي في الانجليزي احلى من كدا بكتير بس القلم عشنوو متين في المسكة ما ساعدني
ودا الشكل النهائي للدفتر
رأيكم يهمنني واللي تجرب توريني تجربتها
بااي :*
ماشاء الله عليك أضفتي لمساآتك وإبداعك عليه
آحب أعطي لمساآتي ع الشي اللي عندي :biggrin:
الآوراق اللي عليها كتابة إنقليزي لو قصقصتيهاآ وحطيتيها بشكل غير كداآ يمكن أحسن
لأنه مبين حدود الأوراق و ألوان الأوراق مختلفه , وكماآن العباآره شووي أثرت عليه
بس بالتأكيد يكفي لمساآتك , وإن شاء الله المرات الجايه تبدعين أكثر وأكثر :smheart:
الله يوفقني وإياك وجميع المسلمين .