اصواتهم واصله لاخر العماره

بعرض عليكم موضوع وحده من قرايبي امها تصير لنا من بعيد وجيرانا بنفس الوقت شقتهم بنفس عمارتنا
البنت هذي بتتزوج من واحد اجنبي طبعا هي قبيليه وسعوديه وعمرها ماانخطبت ابد من اقاربها عمرها ٢٨ على كلام الام والي فهمناه انه خطبها واحد اجنبي ومتربي وعايش هنا بالسعوديه ومتشرب العادات والتقاليد وقريب منها بالعمر ودارس جامعه وجا هو واهله وخطبوها وابوها واخوانها رفضو مره والولد له معارف وصلات بناس كبار وجاب ناس يتوسطون له ومتمسك فيها
هي مصره عليه وتبي تتزوجه والبيت مولع مشاكل الاخوان رافضين مره وهي مصره تتزوجه وامها تشتكي لامي واصواتهم واصله لاخر العماره امها طلبت مني اراسلها وعلى قولتها عقليها وفهميها ونا بصراحه احس هذي امور شخصيه وخايفه البنت تاخذ مني موقف اوتفهمني غلط انا اتواصل معها واتس والي اعرفه انها تبي تتزوج وتنخطب ومره قبل تقريبا ٨ اشهر خلال كلامنا قالت لي ادعي لي اتزوج واجيب طفل وحسب مافهمت ان اقاربها يخطبون من برا وماقد انخطبت ابدا ووتناقشت معها وقالت لي ان الاقارب مايبغو الا جميلات جدا هي موجميله يعني ماودي اقول كذا بس هي بنفسها قالت لي انهم يهتمون بالشكل والمنظر هالكلام كان من فتره ولي عنها وقت صراحه ماتراسلنا وخايفه افاتحها بالموضوع وتزعل مني وانا مادري صراحه احس من حقها تتزوج ويكون لها بيت واطفال وكمان ودي انها ماتطلع عن شور اهلها وكل يوم اسمع هواش
لوكنتو مكاني تتدخلون ولالا ؟ امي تقول كلميها وانا متردده