المسخن معروف اكله فلسطينية روووعة في الطعم وحلوة في التقديم كثير قدموها في المنتدى لكن اليوم حبيتها اسويها على الطريقة الاصلية من البداية للنهاية ..
رتبي الخطوات مثل ما اسوي بالضبط ماتتعبي وتختصري الوقت ..
الطريقة مع الصور ..
دجاجتين مقطعة ارباع مغسولة ومنظفة بدون ماتشيلي الجلد حطي عليها بصلتين مقطعة صغير مع ملعقة صغيرة كمون ومثلها فلفل اسود وملعقتين طعام سماق وبيالة زيت زيتون وملح اخلطيها مضبوط وحطيها في صينية فرن وغطيها بالقصدير ودخليها فن مفتوح من تحت خلي النار عالية عشر دقايق بعدين وسط لين يستوي ..
معروف ان الخبز هو اساس المسخن وهذي مقادير العجينة طبعا انا سويتها كمية وسط كان عندي ضيوف ..
استخدمت كاسة الجبن العادية اربع كاسات بر ..واربع كاسات طحين ..وملعقتين ملح اخلط المواد الجافة مع بعض ..
كاسين موية دافية اخلط معها ملعقة ونص خميرة ونص ملعقة سكر بعدين اضيفها على الدقيق واعجن واضيف موية دافية كل ما احتجت لين تتكون عجينة متماسكة
هنا العجينه جاهزه اغطيها بطبقتين سلوفان لين تخمر ..
على ماتخمر العجينه قطعي 14 حبة بصل لاتقولي كثير بعدين بتكون قليلة حطيها على نار عالية مع كاسة ونص زيت زيتون
اذا صار لون البصل كذا خففي النار وقلبيه بين فترة والثانية لين يستوي مررررة تقريبا يبي له ثلث ساعة ..
على مايستوي البصل قطعي العجين على حسب ماتبين ثخنها وعددها انا خليتها 8 خبزات وكان ثخنها وسط بعد ماتقطعيها غطيها وخليها ترتاح عشر دقايق ..
بعد ما استوى البصل اضفت عليه ملعقة صغيرةكمون ومثلها فلفل اسود وملح .
الصاج الي راح استخدمه لطبخ العجين ..
عشان يطلع حجم الخبزات مدوره ومتساويه افرديها على شيء مدور اذا ماعندك مثل هذي استخدمي تبسي الرز اقلبيه وافردي عليه طبعا نستخدم طحين عشان مايلزق العجين ..
احملي السطح الي فردتي عليه العجينه وقلبيه عالصاج الحار ونزلي العجينه بهدوء عشان مايخرب شكل الخبزه ..
شوفي شكلها مدور وحلو اذا استوت اقلبيها ..
بعد ماقلبتها ..
هذي طريقة ثانية تنقلي فيها العجينه انا اتبع الطريقة هذي وهي اسرع للي يدها شايلة على العجن والخبز ..