أحلا وحده :

هلا اختي ما شالله الاخوات ما قصرو بس حبيت اضيف لج بعض النقط اهم شي انج تبتعدين عن العصبيه وتتحكمين في نفسج مب معنات هذا انج تبتعدين عن ضبط الاطفال لانه اي ردة فعل منج سواء بالشده او بالتسيب بينعكس على تصرف اطفالج . الطفل ذكي ومع كثرة احتكاكه بالمعلمه وتعامله معاها ايعرف شو اللي تحبه وشو اللي ما تحبه بالنسبه للطفل الحركي او اللي قليل الحركه والمشاركه لازم تبحثين عن الاسباب اللي تخليه يتحرك وينشغل عنج وحطي في بالج عدة اسباب منها الطفل نفسه: يمكن ايكون عنده ضعفف في السمع او في النظر او انه ياخذ ادويه في البيت (لازم ايكون بينج وبين ولية امر الطفل اتصال ) او يمكن ايكون يرغب في زياره دورة المياه بس مب قادر يعبر انتي انتبهي لها الشي...... يمكن بيئة الصف ما تكون مريحه مثل درجة الحراره او الاضاءه او الوسائل غير جذابه او مشوقه للطفل او انه الخبرات اللي تعطينها له مرت عليه من قبل او انها اكبر من مستواه لذلك لازم اتنوعين وتحطين في بالج جميع المستويات الظروف الاجتماعيه للطفل : فقدان احد الوالدين او المشاكل الاسريه او ترتيب الطفل بين اخوانه اللغة وايد مهمه خاصه اذا كانو في البيت يتكلمون بلغه ثانيه غير العربيه هني يحصل الطفل صعوبه في فهم كل اللي اتقولينه فينصرف عنج وينشغل باشياء ثانيه ويشغل غيره هذي بعض الاسباب اللي لازم تنتبهين الها اما طريقة التعامل مع الطفل الحركي طبعا بعد معرفة الاسباب قربيه منج اشغليه خلي عندج شوية حزم (مب قسوه ) وشجعيه اذا قام بعمل ايجابي وبعد حطي في بالج التشجيع مب على كل شي عشان ما يتعود على انه يحصل مقابل على كل شي سامحيني طولت عليج واي شي تبينه انا حاضره

هلا اختي ما شالله الاخوات ما قصرو بس حبيت اضيف لج بعض النقط اهم شي انج تبتعدين عن العصبيه...