بسم الله الرحمن الرحيم
اختي العزيزة احمدي ربك ان الله رزقك الخلفة غيرك يدفع عمرة يسمع ماما وبابا شوفيهم في المستشفيات انتي الله رزقك نعمه الاطفال وماتقدرين النعمه بذا التصرف الجنه تحت رجلك ليش عشان تضربين مايجوز الضرب والطم للاطفال لو يدرون عن حقوق الاطفال كان اخذوهم منك لان امريكا واضعه قانون حمايه الطفل حتى من اهلة الي مايقدرونة لان اذا تعرض الطفل للضرب اكتر من مرة ياخدوه من اهله بس عندنا احسن من امريكا قانون وضعه الله عز وجل خليهم يذكورن امهم الحنان ملجا الا مان مو الخوف اذا احد يبغى يضربهم لازم تدافعين عنهم مو تناضرين انتي عندك ابسط مثال دوري على قطة والدة معاها اطفال تقدرين تفربين من اطفالها هذا طبيعه الام الحيوان كيف الانسان اللي الله فضله عن باقي المخلوقات وبعدين عمرهم ابدا مايسمح للضرب اجل لو كبروا بتذبحينهم لما يراددون مايسمعون كلامك الله يرضى عليكي اختي غيري اسلوبك احنا عندنا الاسلام والعقل لو رحنا الاطباء طريقهم طويل لان فية متلازمة تصيب احد الوالدين يااذي اطفالة للفت الانتباة ادخلي واقري عن الاعراض بس هذا عند الغرب لقلة الدين والالحاد بس احنـــــــــــــــا مسلمين تقبلي نصيحتي عشان ماتندمي وشكرا

يااااقلبي عليهم اطفالك وربي صغار مررررة على الضرب والقسااوة :(
حبيبتي كلنا نمر بلحظات ضعف و يطفشونا الاطفال بشقاوتهم بس اتذكري انهم نعمة من ربك انعمها عليك
وترى الشيطان يزين لك الشغلة وماتحسي وانتي تضربيهم بس ايش موقفك لو لا سمح الله صارفي واحد فيهم شي وهم بين يديك وانتي تعذبي فيهم

بما انك كتبتي المشكلة هذا نص العلاج لانك حاسة بالذنب
وللاسف المشاكل الزوجية تأثر بشكل كبير على معاملتك للاطفال خليك اقوى منها وادعي ربك في كل صلاة ان يخلصك من هذه المشكلة
حااولي تلعبيهم وتعيشي احلى اياام عمرك معاهم لانهم سندك اذا كبرتي
عوضي عيالك عن كل ماانحرمتي منه من حب وحنان

انتي تعودتي تمدي يدك عشان كذا ماصرتي تتحكمي بنفسك عودي نفسك ماعاد تمديها مهما صار وراح تزول هذي الصفه البغيضه باذن الله واذا انتي ماحنيتي عليهم مين يحن عليهم000تذكري انتي ((((( ام))))))) 000000000000

بشووووويش على البنت اللي فيها مكفيها !!

اختي ان شاء الله ما عليك الا العافيه
كلنا انضربنا واحنا صغار بس عادي ما صارت عقده تتعبين نفسك فيها

عااااااادي كلنا نمر بضروف وضغوط الحياه ما ترحم
بس انتي روووقي على اطفالك حتى لو اتعبوك لا تعصبين
ولعلمك ترا لسى ما شفتي شيء
هالعمر ما يخرب كثير بعد السنتين وش ردة فعلك عليهم
تلاقين البيت ينقلب بسااعه كل شيء موجود بغير مكانه
من كثر اللعب والخراب

بس عااااااادي طنشي شقاوتهم ولعبهم
مصيرهم يكبرون ويعقلون

تفرجي على مقاطع الشغالات كثير وان شاء الله يلين قلبك مثلي
الله يحفظهم ويحميهم

اي ضغوط نفسيه اللي تخليها تذبح عيالها بالضرب... وياكثرهم اللي جايبين عيالهم ورا بعض

بالأربعه والخمسه.. ومافيه احن منهم على عيالهم... يعني هذا مو عذر

( فاقد الشيئ لا يعطيه )

والبنت تقول انها تعرضت للضرب وهي صغيره وحتى وهي كبيره... معناتها فاقد الحنان

بالتالي ماتحن على عيالها وتطقهم.... وهذا مرض نفسي لااااااااااااااااااااااااااازم تتعالجين منه بأسرع وقت

والا عيالك بيروحون فيها