جربي عامليهم ب نفس أسلوبهم احتفظي ب خصوصياتك وحتى ب توافه الأمور .. المهم انك م تغلطي ع أحد ولا تخلي أحد يدوس لك ع طرف .

اسمحي لي اقول انتي على نياتك واللي بقلبك على طرف لسانك وتتكلمين بأي شي يطري في بالك وتسولفين عن كل شي كذا غلط

انا مع ان الزوجه تخفي خصوصيات اهلها عن زوجها وعن الناس وماتتكلم الا بالرسميات

وانا اقول لك كذا من تجربه لما شخص يتكلم او يطلع خصوصيات البيت لناس ثانيه يصيرون يتكلمون فيهم بطريقه سلبيه

يمكن انتي تشوفينه شي عادي ومجرد سواليف عابره بس هو يضايق غيرك كأنك تعرينهم قدام زوجك واهله

من سنوات انا وخواتي سيرتنا صارت على كل لسان من طرف وحده بمقام امنا الله يستر عليها ويعفوا عنها كانت تتكلم اننا راعيات سهر لأخر الليل ونوم بالنهار والناس لما تسمع كذا بتتخيل شي ثاني .

وانا من جد اتضايق من هذا الشي على الرغم من اني كنت صغيره وقتها فما بالك اختك كبيره ولها خصوصيتها وسترها .




وبعدين تعلمي لا تنقلين كلام وش قلتي وش سويتي مع زوجك ومع اختك وامك

تعودي ان الكلام والاسرار والحوارات اللي تصير بينك وبين زوجك ماتطلع برا حتى لو جبتي فيها طاري اختك بالشي الضروري اكتميه عن اختك لا تقولين لها

كذلك اختك واهلك بشكل عام تعودي ان سواليفك واسرارك اللي مع زوجك ماتنقلينها لهم اساساً مايجوز هذا الشي بدون لا احد يحلف عليك انك ماتتكلمين وان هذا سر

انتي اوزني لسانك وامسكيه لا تنقلين الكلام

تذكري من كثر كلامه كثر سقطه

وحدة من أخواتي كذا..ولا لها حل أبداااا وشكاكة الله يصلحها وتشوف كل الناس علطانين وهي الصح مع أن الغلط راكبها من ساسها إلى راسها والله مالنا إلا الصبر على ذا الشخصيات وهي اصغر مني بثمان سنين وتجرحني وتعاملني زي الأطفال وترفع صوتها علي بس ماباليد حيلة أختي وين أروح منها وكلنا متحملينها في البيت بس انا منتظرة متى تتزوج وتعرف قيمتنا زوجها مستحيل يتحمل طولة لسانها زينا

هو شكله طبع قديم عند احد بالعيله
ماعليك منهم الاشياء اللي عادي تنقال قوليها لزوجك واكيد زوجك مابينشر اخبار اهلك
والاشياء التافهه مافي داعي تفكرين فيها
والله يسخركم لبعض

اخواتي انا قيل وقال ونفاق مااجتمعنا علي خير لازم تصلع مشكله والا ليه قلتي وليه قالت ياليتني بدون اخوات