اضطهاد حافز الذل وجدارة لعاطله عن العمل

سلام عليكم

ابدا موضوعي بتحدي

ان كان فيه من هو اقدم مني تخرج!ونفس تخصصي بالذات ..لانه مطلوب !

فانا خريجة سنة 1415هـ

يعني لي 18 سنة متخرجة

وطبعا


ماتوظفت حتى الان


دفعتي كانت 100 طالبة كلهم توظفوا...وانا الرابعه على الدفعه لسه انتظر

التوظيف!وحتى اكون منصفة..فيه اثنين من زميلاتي بالدفعه ماهم على راس العمل

الاولى ترفض الوظيفة ومازالت ...والثانية اتوظفت واستقالت وصارت داعية! والثالثة انا...في كل مكان تلقوني!

سجلت بديوان الشرقية...والمدينة...اما جده فالظاهر مافتحوا الديوان لهم 18 سنه!!!ماادري!


ليش ماتوظفت؟

برضه ماادري!

احكيلكم حكايتي وانتوا استنتجوا السبب:

مؤهلي دبلوم رياض اطفال تربوي من الكلية المتوسطة بالمدينة المنورة سنة 1415 هـ

اذكر وانا في اخر سنه لنا بالكلية جات واحده من الزميلات ورجالها مسؤولين كبار قالت :

يابنات ترى الدفعه هذي كلها بتتعين ووسط المدينة المنورة !يعني ماهو بقرية ولا شي!

وفعلا ........ كانت اختي التوام..تحكي لي الحاصل بالديوان ..اتقول يفتحون الملف ويقولون حددي اقرب مدرسة لبيتك واختاريها!!... شي ولا بالاحلام!

لكن انا اتزوجت في نفس يوم تخرجي ...ورحت الشرقية

قدمت هناك على الوظيفة...قالوا : روحي لمكان تخرجك ...بناتنا اولى ! والله قالوا هالكلام ...كل واحده تقدم على المنطقة الي اتخرجت منها!

رجعت المدينة انتظرت التقديم مرة ثانية...ولما رحت لهم ..قالوا هاتي اثبات الاقامة! قلت انا متزوجة بالشرقية..قالوا مالك اجل وظيفة عندنا!!

عجيب!


رجعت ادراجي للشرقية..وكان التقديم على المدن والقرى ..كتبت الجبيل الي اسكنها وابعد شي راس تنورة!!

جات التعيينات للبنات براس تنورة وانا لا...قلت لهم ليش ؟!!..قالوا لو طلبتي الاحساء ومابعدها كان جاتك الوظيفة..لكن الجبيل وراس تنورة كان الاحتياج قليل واخذوها خريجات المنطقة!

لما جا التقديم الي بعدها كان التعيين على قرى ابعد من الشمس عن الجبيل !!.وماطلبتها

وبعد هالسنتين 1415 - 1416 بدات سنوات القحط والجفاف واصبح التوظيف على بند 105...ومافيه تثبيت ..وعلى قرى بعييييييييييييده!

جا زوجي نقل لجده

وصدق الي قال .......جده غير!

الديوان مايفتح..وان فتح يدخل له اثنين ثلاثة ويرجع يصك بابه!

قررت اكمل دراستي..واخذ البكالريوس..ووقتها كانوا يقولوا لكل زميلاتي الموظفات كملوا دراستكم وراح نرجعكم لنفس مكان تعيينكم لاتخافون!

اغلبهم كمل بكل سهولة ويسر..ورجع لمكان عمله نفسه وزيادة راتب بعد!- الله يوفقهم يستاهلون -

وانا رحت فرحانه لكليتي الي اتخرجت منها والي صار اسمها كلية اعدادالمعلمات بدل مسمى الكلية المتوسطة واصبحت اربع سنوات وتعطي شهادة البكالريوس..فرحت ورجعت ابكمل عندهم الدراسه...قالت لي

العميدة بالفم المليان:لا.........قلت ليه : قالت انتي مانتي معلمه والمسموح للمعلمات فقط!!كان لي 5 سنوات متخرجة فقط!

رجعت اجر اذيال الخيبة...ورحت لجدة بحثت عن قسم رياض اطفال قلت ابكمل فيها

قالوا : القسم هذا مقفل من زمان!يمقن نرجع نفتحه ويمقن لا!

انتظرت لما صار لي 10 سنوات متخرجه ...وفتحوا القسم وفرحت..قالوا مالك الا انتساب وتدفعين فلوس قلت موافقه...نظروا بشهادتي قالوا : ويييييييييين 10 سنوات لك متخرجه...غير مسموح لك بالاكمال (قصدهم

مااحنا بحاجة لناس طموحين محبين للعلم !) رضوا اني اكون دبلوميه !!..ماهمهم انهم يرتقون بمواطنيهم بالعلم والتشجيع والوصول لاعلى مراتب التعلم!>>>عجبني هالخطاب

المهم

خلال السنوات الي فاتت كنت اقدم على المدينة المنورة..مسقط راسي لان جده محجوزة لهواميرها..ومالنا شي فيها!

المدينة المنورة...كان التقديم على قرى بعيده...ولما شفت الوضع متازم مافيه امل يحطون احتياج داخل المدينة نفسها وافقت على القرى وقدمت وقالوا : مالك شي

عندنا انتي دبلوم!!الدبلوم موضه قديمة ..واحنا نبي الاعلى والافضل يدرسون عيالنا!

طيب ويش تبوني اسوي يعني ..انتحر!

لاتبوني اكمل دراستي!

ولاتبوني اتوظف بمكان تخرجي

ولا تبوني اتوظف بمكان اقامتي!

عجيييييييييييب

ومرت السنوات وانا انتظر..وكم مرة...طلعت من الديوان منكسة الرأس..دامعة العين!

قلت مالك الا الخاص...رحت ابي فزعته خاصة ان الديوان كان يطلب الخبرة!!

وموضوع المدارس الخاصة والذل الحاصل فيها شي لايمكن حصره ومايكفي الوقت لذكره!

...حسبي الله على كل ظالم....

ماقدرت اتحمل الاهانات فانا حرة ولست عبدة ذليله بين يدي سودانيه او مصرية ماسكة المدرسة الخاصة واذا جات مشرفة او موجهه من الرئاسة يهربونها لبيتها عشان مايقاضون صاحب المدرسة الي موظف

الاجانب وتارك بنات البلد السعوديات!

المهم


الان.....قلت الوضع غير وخير ...بعد مرور 17 سنة على تخرجي...قالوا نبشركم ماعاد نطلب خبرة...ولاعاد نطلب اثبات اقامة...ولاعاد نطلب تعيين بمكان واحد...خذوا راحتكم وشوفوا ارزاقكم

فرحت.....وقلت جاك الفرج يادبلومية يامسكينه

رحت لحافز....قالوا ........عمرك فوق 35 ..مالك شي عندنا

رحت لجدارة...قالوا ....التقديم لبنات البكالريوس

رحت للوزارة نفسها...قالوا...التقديم لحديثات التخرج!


والان بعد مرور 18 سنه...قالوا لي الناس قدمي على جدارة فيه اصداء اتقول انه حتى للدبلوم ...وفتحت موقع جدارة...وسجلت...واثناء التسجيل مالقيت مسمى كلية متوسطة...ولقيت كلية اعداد المعلمات...الاسم

البديل للكلية المتوسطة بعد ماصارت اربع سنوات...وحطيت هالخيار...وبحثت عن كلمة دبلوم...لقيتهم ماهم طالبين هالشي ...وهذا الي خلاني اقول...ياسلام ..اجل التوظيف للجميع >>>تفكيرها بريء

وصكيت الجهاز...وصرت احلم احلام سعيده وكلي امل انهم يعطوني وجه ويلتفتون لهاالخريجة المغبرة!


ويوم السبت 17\4\1433 هـ صباحا جاتني رساله ( الوزارة تدعوك لمطابقة بياناتك!

قريت الرساله 20 مرة..وخليت الجوال مفتوح عليها ..خفت اضغط اي زر اتروح عن

نظري ..وافقدها..وافقد الوظيفة!!

ماصدقت!!

قلت يمكن احد يلعب علي او يعشمني!

الى ان شفت اسمي بملف الاكسيل...يااااااااااااااااه اخير شفت اسمي بالوزارة..الحين صدقت انهم معترفين في كخريجه!!..كنت اشك اني سعوديه...او ان شهادتي مزوة او مالي

شهادة عندهم اصلا..

وبعد 24 ساعه من الفرحه..راجعت كلام مدير الخدمة المدنية...ان التعيين على المرتبة الخامسه لحملة الشهادة الجامعيه.

تحطمت...بكيييييييييييييت .......ومازلت....أبكي بحرقة!

حافز ابو تغسيل الاموات وحمل حقائب بفندق وحارسة ليلية لبنك ماقبلني!!

تبون جدارة يقبلني!

انا مغفله الي صدقت اني جديرة بالوظيفة!

صحيح اني الرابعه عالدفعه ونسبتي 86.80 % وكل دفعتي اتوظفت

صحيح اني خريجة( رياض اطفال تربوي )القسم الي له 18 سنه وهو يوظف خريجاته

ومازال الاحتياج له بالقمة.

صحيح اني سعودية الاصل والمنشأ...ابا عن جد..لا وبدويه بعد!

صحيح اني طموحة وموهوبة واحب اكمل دراستي واوصل لاعلى مستوى!

صحيح ان زميلاتي اصبحوا مشرفات وموجهات وهم الي بيطابقون اوراقي بيوم المطابقة

صحيح ان زميلاتي باقي لهم سنيتن ويستحقون التقاعد!

لكن كل هذا لايعطيني الحق بأن اتجرأ على نظام جدارة واحط نفسي بداخله! او اساوي نفسي باي خريجة تم ترشيحها...سواء بدفع مبلغ من تحت الطاولة او بتوظيفها وهي على راس العمل لمجرد تعديل مستواها الى

مستوى اعلى قليلا من مستواها الحالي!...او اي خريجة حديثة لم تجرب الانتظار ولو شهر واحد وظفها ولي امرها المسؤول الكبير..او صديق المسؤول!


كان المفروض مااساوي نفسي فيهم ولاارفع عيوني اعلى من محط رجولي!



قررت ........ اكون قويه .....واطالب بحقوقي

عارفين ليش!

مو لاني قوية ..لاتصدقون بس حبيت اجرب هالكلمة!

انا راح اطالب بحقي ..لانها خربانه ...خربانه!

مابعد كل هالسنوات...قلت لكم باقي سنتين والي بسني يتقاعدون..باقي سنتين ويصير عمري 40 سنة وزميلاتي الموظفات يقولون تعبنا خلاص وبيصفي لنا ثلاثة ارباع الراتب

انا بابدا من حيث مانتهوا...هذا اذا سمحت لي الوزارة بالبدء اصلا!


عشان كذا باقلب الطاولة على روسهم...>>>

((((اي طاوله ياامي..هم حطوك قدامهم اصلا او شافوك!

لا لاتظلمينهم..... هم رشحوك...حتى لو انهم بيطردونك بعد اسبوعين بالمطابقة..لكن

اهم شي انهم عشموك..ورشحوك..لاتنكرين فضلهم!)))))

سوري الي بين الاقواس كان حديثي مع نفسي ..وياكثر ماادوختها بالهرج هاليومين !


كلمت محامي...قلت له بارفع قضية على وزارة بحالها <<<القوة لله شفتوا اني قوية...

>>> قلت لكم لاتصدقون!

المهم قال : قولي جهة حكومية!

حتى هو مو مستوعب هالكلام!

قلت لا الوزارة نفسها!!

قال : خلينا بالجهه احسن..تبين تشكين فرع معين للوزارة باي منطقة.؟؟!!

قلت طيب : لنقل بالمدينة المنورة!

قال اوك هاتي ماعندك

قلت لهم 18 سنه مطنشيني!!

ضحك المحامي وقال : لا مو تطنيش لو بداتيها كذا راح تخسرين القضية! لانك كذا تتهمينهم انهم قاصدينك بعينك...ولو ثبت انهم ماسمعوا فيك اصلا راح تنقلب الدعوة ضدك!

قلت : قلت كيف مايعرفوني وانا كل سنة اقدم عندهم!

قال : عندك اوراق تثبت!

قلت : من وين اجيب اوراق!...انت روح للوزارة وجيب كل اوامر التعيين من سنة 1415 الى يومنا هذا..وقول ليه ماتوظفت بهالقرار...وهالقرار ..وهالقرار!!

قال : ايش يثبت انك كنتي تقدمين كل هالسنوات!

قلت :مادري لكن بعد مااطوروا صار عندهم موقع للتقديم ولي رقم طلب من سنة 1429

قال ممكن يخدمك الان لو ارسلتي لهم خطاب ...لكن...ماتتم هالامور بهالطريقة...شكوى مباشرة وتظلم على طول!المفروض انك بعد كل قرار تعيين انتي تقدمين فيه ولايطلع اسمك تكتبين لهم خطاب..وتحطينه بالوارد

عندهم..وتنتظرين ردهم...ولو ماردوا ذيك الساعه تشتكينهم لديوان المظالم..ولو مارد ديوان المظالم نفسه تشكتينه على ادارة المحكمة العليا!>>>ياليل مااطولك

يااختي انتي تتعاملي مع جهه حكومية الترافع والكلام الشفوي ماينفع لازم اوراق رسميه تثبت دعواك!

لو كنتي تكتبي خطابات لهم بعد كل قرار تعيين ماطلع اسمك فيه كان يمدينا الحين

مجمعينها عليهم واتصير ادانه لهم!

شفتوا ياقارئين ياخريجين وخريجات هذا درس لكم انتوا بعد...بما ان الاغلبية متخرجين قريب...لو ماطلع اسمكم وانتوا شايفين لكم الاحقية اكتبوا خطاب لهم ىوناقشوهم..وانتظروا ردهم..لو ماردوا..تدينوهم..!!وهكذا

بعد كل قرار!!

قلت للمحامي وليه هذا كله كل القرارات مسجله وانا باقول بالمحكمة بهالقرار الي صدر بهالسنة ليه ماوظفتوني!

قال مامعك ادله انك قدمتي...بامكانهم اصلا يحذفون اسمك من التقديم لان الاسماء

بحوزتهم..وبرضه بيقولون بكل بساطه احنا مانذكر كل الاسماء وظفنا الاحتياج والعدد المطلوب والبقية تنتظر ولو كان عندك اعتراض ليه ماراسلتينا! اضافة الى انك بتشتكين وزارة كامله خلال 18 سنه!!...كم

موظف وكم مدير راح وجا واحد مكانه!........

والله ماعندك ماعند جدتي لكن اقضبي الارض واقعدي ببيتك بلا شكاوي بلا مهايط مانتي قده!

>>>ترى الجملة الاخيرة من تاليفي ماقالها المحامي ولا كنت باتوطى ببطنه انا ناقصته بعد!

والان انا قابعه امام جهازي...الف المنتديات على غير هدى...مصدومة...مقهوره..متعجبه !!

قبيلة بكاملها مسوين قطيه لبناتهم عشان يتوظفون!

عائلة فيها 4 بنات كل بنت بسنه تخرج مختلفة يتوظفون بوقت واحد!

مكرمة ملكية تمسح دموع العاطلين..تصبح اكبر فاجعه تصيبهم!!

عجيييبه هالدنيا

لاتقولوا لي : لاتظلمينهم فيه بنات اتوظفوا بدون واسطات !!يعني الوزارة ماهي بشينه مررررة!!

اقولكم لو بيدهم سووها ووظفوا حسب المدفوع والمحسوبية لكن كذا ينكشف امرهم...وبرضه فيه اسماء بالدرج ماتطلع للعلن حتى لاينكشفوا يتم تعيينهم بديلات بعد المطابقة ولامن شاف ولامن دري...كيف بالعقل

يفوتون فرصه زي هذي على بناتهم!!وهم بنظرهم طالما انهم مسؤولين معناه هم اولى بخير الدولة وحلالها!!

اكبر تعيين على مستوى الوزارة وبالمستوى الخامس...وتبونه يضيعونه على بناتهم او على جيوبهم!!

احلمووووووووووووووووووووووا




كبروا المخده واحلموووووووووووووو مثلي

فانا اعيش احلام سعيده اني اتوظفت........وبعد سنيتن اتقاعدت!!

...اسفة لو اطلت...صدقوني مسكت قلمي غصب...لازم يوقف....لان حان وقت الحلم......اخاف يروح علي ...ويبقى لي الواقع المر...انا ابغى اهرب منه...حتى تخف الحرقة وتجف الدمعه!!
***********اعجبني واحرق اعصابي ونقلته********