اضعت الطريق فهل من نصيحه.

السلام عليكم .. مساء الورد .
هذا اول موضوع لي فالمنتدى ومادري اذا هذا القسم المناسب ولا اعذروني .
بقولكم قصتي واتمنى القى من يساعدني فيها بدون تجريح انا مالجئت لهنا الا اني تعبت ولا اعرف كيف اتصرف ..
انا حبيت رجال ارمل وعنده اطفال وانا بنت عمري 23 .. كنت اعاني من فراغ عاطفي وفراغ في حياتي كبير فالبدايه حاولت اني ابعد عنه لاني ادري انهم حرام اللي اسويه ومابغى اغضب ربي .. وكل مابعدت رجعت ماقدرت اتركه والله اني حبيته ولا اعرف اطلعه من تفكيري . ابغى اعيش حياتي وانساه اشغلت نفسي بامور كثيره احبها عشان الهى عنه بس القى نفسي ارجعله بدون ماحس تعبت والله ضايقه فيني لدرجة اني اتمنى اموت لاني جالسه اعصي ربي كل يوم استغفر ربي واتوب من البكره ارجع تعبت من نفسي الضعيفه .. ولا اقدر اقوله تزوجني فكرت كثير اقوله انا ابيك بالحلال بس استصعبتها على نفسي .. بعدت عنه ودعيت ربي يرزقني حبه بالحلال بس جلست فتره وضعفت ورجعت له .. تعلقت فيه لدرجة اني ابكي اذا حسيت اني بفارقه ماني عارفه كيف انساه وفي نفس الوقت ودي فيه كزوج .. انا في صراع مع نفسي لشهور عشان اتركه بس اضعف وارجع كرهت كل شي في الحياه كرهت نفسي وصرت اقرف من نفسي .. دعيت ربي كثير يبعدني عنه وندمت كثير اني عرفته .. مشاركتي قصتي هنا مومن باب المجاهره بالمعصيه بس والله العظيم اني يئست من نفسي وشاركتكم قصتي يمكن احد يساعدني ابغى ارتاح تعبت من التفكير تعبت من الحرام وادري اللي اسويه غلط .. اتمنى تدعون لي انسااه واتركه وربي يجمعني فيه بالحلال .. بالله لاحد يهاوشني والله اكتب وانا ابكي من الهم ..