اضمن طريقه لمعرفه جنس الطفل وبدون ماتدفعين ولا ريال💰

السلام عليكم ورحمه الله وبركاته


كيفكم يا حوائيات

اليوم جايبه لكم اضمن طريقه لمعرفه جنس طفلك

والحلو انه ما يكلفك ولا ريال

بس يبي لها صبر

والطريقه هي

انك تنطرين بس تسع شهور وتشوفين جنس طفلك بعيونك وبلا ماتقعدين تفرفرين بالمنتديات عن طرق خياليه لمعرفه جنس الجنين

منها لعب باللنعمه من ملفوف وبيكربونات الصوديوم تبع تخمير الكيك 
والا كلش والا الملح اللي تخلطينه وانتم بكرامه بالبول وتخمرينه مدري كم ساعه تكفون عاد خلط وسكتنا لا بعد تخمير 
ومنها استخفاف بالعقول مثل اللي يتحرك يمين والا الرجل اليسار والا الوحم الخفيف والثقيل كان بس هالعضو تحمل فيه الام ولا كانها تحمل بطفل كامل من يدين ورجلين وراس واعضاء داخليه ووقفت سالفتنا على هالعضو هو اللي يبي يغير نوع الحمل

ومنها تجراء على الله وتجريب التنجيم من جدول صيني وتقويم هجري وغيرها من امور الكهانه

واللي يشوف وضعنا هذا مايقول عندهم مستشفيات وشي اسمه سونار وفور دي وثري دي يالله من فضلك


واللي مستعجله مستعجله تجرب السونار ترى يمدحونه وترى الله بيحاسبنا عن كل هالخرابيط اللي فوق والاعظم من ذلك ان عندنا بديل عن ذا كله وهو السونار


وختاما انا حامل و ودي اعرف جنس طفلي وش تنصحوني اسوي 😳

اشق بطني مثلا واشوف لان ماعندي صبر😂😂😂😂😂ههههههههههه