اطالع في بنت عمتي واقول ضيعت الفرصة

مساء الخير يابنات
الحمد لله رزقني الله بولد من ١٣ سنه والى الان ماحملت ادعولي

امس قابلت عمتي ومعاها بنتها اللي عمرها ١٣ سنه قد ولدي بس هي اخر العنقود لعمتي البنت السابعة وانا وعمتي كنا حوامل في نفس الفترة وكانت عمتي تحلم بولد يكون اخو لبناتها الست المهم رزقها الله ببنتها ذي وانا جبت ولد

يوم شافت ولدي قالت بسم الله عليه زي القمر وكل مره تحطه بحظنها وتسمي عليه ومره شالته وانا عندها لزوجها واول ماشافه سمى عليه وقال لها وش رايك ترضعينه قالت بكلم امه
المهم فاجأتني وقالت بما انه مافي امل اجيب ولد وافقي انتي وزوجك اني ارضع الولد .. عرضت الامر عليه في البدايه رفض وبعدين فكر وقال طيب

عمتي طارت من الفرحة وجاتني ومعاها بنتها الصغيرة المهم لما كانت عمتي تقرب ولدي من صدرها كان ولدي يبكي ويلف وجهه وبنتها تبكي بعد قالت لي ولدك خاف من صوت بنتي حطي بنتي على صدرك بس تسكت وولدك يهدأ انا قربتها بس مابغاها ترضع بس تسكت لين ولدي يرضع من عمتي

الغريب انه ولدي يبكي ويلف وجه بعيد عن صدر عمتي والبنت تبغى تمسك صدري وانا ابعدها في اللحظة الاخيرة سبحان الله مارضع ولدي مع تكرار الحركة وانا مابغى البنت ترضع مع انا تبغى

شفتهم امس في مكان والبنت تجي عند امها وتساسرها قلت الفرصة كانت في يدي انها تصير بنتي واخت ولدي وانا ضيعتها من ايدي