اطاوع امي ولا اطاوع قلبي للمتزوجات فقط

السلام عليكم
بدخل بالسالفة على طول والله يا بنات اني ضاااااايق صدري
مني عارفة من وين ابتدي
المهم انا زوجي اسفة على التعبير فية ضعف جنسي يعني ما يجيني الا في الشهر مرتين او ثلاث بالكثير وهاذا اذا انا بادرتو (اسفة على الكلام بس عشين اوضح)
غير كذا هو الحمد لله طيب معايا اكيد في مشاكل بس مشاكل كل زوجين
فانا صبرت على ضعفو وما قلت لاحد ولا لاهلي حتى وهو كان مفهمني انو هاذا شي طبيعي اللي هو فية
المهم يا بنات قبل فترة صارت بيننا هواشة والله كانت من سبب تافه بس كبرت وقالي انو يبي يطلقني وقالي انو احنا عايشين زي الاخوان وانو ظالمني انا قلتلو انا ما شكيت ولكل شي علاج المهم لما كبرت السالفة قلت لامي انو قالي كذا فجلست تزن علي اني اتطلق منو وتقلي ان هاذا اساس الزواج وبعد فترة انتي راح تملي وتطلبي الطلاق ما سمعت كلامها ورجعت لزوجي واتصالحنا ,ما قلتلكم انو لي تقريبا سبع سنين متزوجة وما عندي اطفال اللي حصل اليوم ان امي قبل شوي مكلمتني تقلي زوجك مريض ولازم يتعالج وانتي لازم تتكشخين لو ومن ذا الكلام والله يا بنات اني البس واتكشخ وانا الحمد لله ما شاء الله جميلة هاذا بشهادة الجميع . غثتني بكلامها تقلي ان في وحدة مثل حالتك زوجها عدو ضعف صبرت علية تقريبا 20سنة والحين ما عاد قادرة تصبر اكثر واتطلقت
والله يا بنات قفلت السماعة وصرت بس ابكي طيب انا وش اسوي انا خايفة انو من كثر ما تزن علي امل واطلب الطلاق
بنات والله مالي غير الله ثم انتو اشكيلكم رجاءا ساعدوني بحلول

مع العلم اني سويت مع زوجي كل شي البس واسوي ليلة رومنسية وكل شي
بس زوجي يقلي انو كذا بسبب عملو لان عملو مرهق ويجي تعبان
معليش الكلام ملخبط و سامحوني على الاطاله

انا سويت النعديل هنا عشين الكل يشوفو سبب تاخر الحمل في بداية زواجي كان زوجي عندو ضعف يعني كانت الحيوانات المنوية عندو صفر وكان تعبان كثير وبعد 3 سنين اتعالج الحمد لله وبعدين انا مرضت وصارت عندي لخبطة بسيطة في الهرمونات وهو يقلي ان سبب تاخر الحمل الحين مني انا بس انا رحت دكاترة اتعالجت والحين الدكاترة يقولولي اني انا سليمة 100 ب 100 وما فيني شي الحمد لله وامي تقلي ان سبب تاخر الحمل منو بس حتى هو اتعالج الحمد لله بس لسا عندو ضعف جنسي . في بداية زواجي كان مفهمني ان هو كذا الطبيعي ان ما يجي الواحد لزوجتو الا 3 مرات في الشهر وانا قلت امكن صح لاني ما كنت اعرف بس امي تقلي لا مو طبيعي :(