اطباء الحقن المجهري والضرورات تبيح المحظورات

وعليكم السلام
هلا اختي الله يتمم عليك وعلي وعلى الجميع بخير ويفرحنا بذريه صالحه يارب
انا جربت اطفال الانابيب كم مره
ويكشفون عليك بس وقت سحب البويضات والترجيع ووقت التحفيز بس تكونين مستره مره ومعه ممرضات يساعدونه
وانتي ياختي شوفي لك دكتور او دكتوره شاطره لان هذي عمليه مهمه وحساسه وغير الخساير الماديه
تعالي عندنا بالرياض عند الدكتور بندر العبدالكريم ماشاءالله تبارك الرحمن انسان يخاف الله وشاطر

انا عملتها في تخصصي جده مرتين
اول مره فشلت
ثاني مره نجحت الحمدلله
بالنسبه للسحب يكون تحت إشراف الدكتور المتابع لحالتك سواء وقتها كان دكتور او دكتوره ومعه مجموعة ممرضات وانا قبل العمليه غطوني وماخلوني كاشفه يعني الدكتور اتوقع بيكون على جهاز السحب لما تنتهي العمليه ع خير
وماينفع يخلون اي دكتور يسويها لأنها عمليه حساسه ولازم يد الدكتور تكون خفيفه عشان ماتأثر على جودة البويضات وقت السحب
والترجيع في المرتين رجعت لي دكتوره وكانو موجودين ممرضات لأنها سهله جدااا ومايبغالها شغل كثير
وربي يفرح قلبك بالذريه الصالحه وقلبي وكل من تمنى يارب

نسيت اقولك انه وقت التنشيط اللي تسوي لك سونار مهبلي هي ممرضه وتكتب كل شي بالملف والدكتور يشوفه لما تدخلي عليه
حاليا موجود دكتور اردني اتوقع اسمه رفعت اذا مو غلطانه هو اللي تابعت معه بعمليتي الثانيه إنسان قمه بالاخلاق ومحترم لابعد درجه وسبحان الله يريحك نفسياً ويجاوب على اسألتك إنتي وزوجك بكل رحابة صدر يعني الدكتور ماتشوفيه إلا وقت السحب فقط وتكوني مخدره ماتدرين عن اللي حولك توكلي ع الله وسويها عندهم المستشفى من افضل المستشفيات بالمملكه ، ادري كثرت كلام بس حبيت افيدك باللي عندي لاني حاسه فيك كنت مثلك تايهه قبل لاابدأ بشي وكنت اسأل البنات هنا وماقصرو الله يسعدهم
دعواتك

شوفي بالنسبه للدكتور الي اروح لهم كلهم رجال كنت في الاول متخوفة بس بعدين ارتحت لما شفت ان الدكتور أبد مايكشف عليك السونار حرمه وكل شي حرمه حتى لما ادخل للعمليه السحب الدكتور مايدخل الا لما يجهزوني ويدخل دكتور التخدير بعدين الدكتور والتجهيز ممرضات حريم اما الترجيع كنت صاحيه صح بس مادخل الدكتور الا لما خلاص مايقى الا انه يرجع كل شي سووه الممرضات وجهزو العينه وكل شي هو بس رجع كنت مستحيه أغمض عيوني عشان ارتاح الله يرزقك وكل البنات يارب ويعوضني وكل من أجهضت يارب

اتوقع فالتخصصي ماتقدرين تختارين دكتوره معينه
حسب موعدك مين يكون فيه
استخيري وتوكلي على الله اكيد شي لضروره مباح
وانا سويت تلقيح صناعي عند دكتوره
مع كذا جهزتني الممرضه
وعطتني لبس البسه بس فتحه بسيطه
جهت المهبل مفتوحه
ومادخلت الدكتوره الا وانا جاهزه