السلام عليكم
صباح الخير
عندكم قريب الظهر وعندنا تو الشمس بتطلع وللحين ما صليت الشروق:)
في هالموضوع بنزل لكم الوجبات اللي اسويها هنا في اوربا
ماشالله عندي ولد الله يحفظه ما يحب اكل المطاعم هنا الا ماندر ولازم الطبخة عيش بدون العيش ما يعتبر ان سوينا غدا او عشا
واعذروني اذا كانت الوجبات اللي بنزلها ماراح تكون بالترتيب لاني بنزلها على حسب الصور الجاهزة عندي
وان شالله تعجبكم
نبدا بالسلمون والمشخول
نغسله تمام وبعدين نبهره
البهار مكون من ملح - فلفل اسود - زنجبيل بودرة - لومي اسود بودرة - كمون - كركم - بزار
اتركه مبهر واروح اجهز الباقي
مشروم وبصل اخضر وبطاطا
اجهز جدر العيش
ماي وشوية هيل ناعم وفلفل اخضر وملح واخليه يغلي
طبعا العيش يكون منقع من قبل
هنا نقلي البطاطا
والمشروم
جهزت البطاطا و المشروم وضفت عليها الكزبرة والطماط والفلفل والبصل الااخضر
بعدما استوى العيش وشخلته
ارجعه للجدر مرة ثانية نص الكمية
واضيف الخضار فوقه
واغطيه بالنصف الثاني واحط فوقه زبدة واغطي الجدر واخليه على نار هادية
نـور الفجـر @nor_alfgr_4
عضوة مميزة
يلزم عليك تسجيل الدخول أولًا لكتابة تعليق.
بيتزا مارغريتا
من عجينتي المعتمدة
نفرد العجينة بعدما تتخمر ونخليها رقيقة
وندهنها بصلصة الطماط
وندخلها الفرن الحار لمدة 6دقايق
والفرن شغال فوق وتحت
اطلعها واحط عليها الجبنة المبشورة والاريغانو وادخلها الفرن مرة ثانية لمدة 4 دقايق او اقل
من عجينتي المعتمدة
نفرد العجينة بعدما تتخمر ونخليها رقيقة
وندهنها بصلصة الطماط
وندخلها الفرن الحار لمدة 6دقايق
والفرن شغال فوق وتحت
اطلعها واحط عليها الجبنة المبشورة والاريغانو وادخلها الفرن مرة ثانية لمدة 4 دقايق او اقل
سبحان الله اليوم انتي فبالي :)
تسلم يدك
والله يوفقك وين ماكنتي اختي
اسسفة على بالي خلصتي :(
تسلم يدك
والله يوفقك وين ماكنتي اختي
اسسفة على بالي خلصتي :(
الصفحة الأخيرة
السلمون جاهز
العيش جهز والطعم ياسلام
يتبع