بدون فلسفه وابدا معكم بالصور
تشيز كيك الجلي اسميه دايم حلى الهلال الاحمر
صينيه قوارب البطاطس سويتها وانا مستعجله عشان كذا حايسه شوي كني مسويه حادث
هاذي كيكه سويتها بالعيد طبعا صار لي موقف معها بغيييت امووت من القهر هاذي ياطويلات العمر سويتها بالليل وماكملتها عشان نقصت علي بعض المقادير ووصيت اخوي يجيب لي طبعا راح وجاء وانا اسمكر وازين فيها قال الله يهالكيكه رحت وجيت وانتي لسى تسوينها كنك بتودينها للوزاره
طبعا يالحلوات سويتها ودخلتها الثلاجه للصباح وقمت اكمل باقي شغلي ع الكيك وسويتها وجهزتها وصورتها وجيت خلاص بدخلها الثلاجه وحدث مالم يكن بالحسبان اااه يالقهر
زحلطت علي عند باب الثلاجه:icon33:
وبعد هاذي الحادثه الشنيعه قمت اخفيت معالم الجريمه لان الوالده لو شافتها راح تعلقني بكراعيني:44:
وتداركت الموقف ورحت سويت مثلها قبل روحتنا للاستراحه بساعه لاني وعدت بنات عمي فيها
شوفوا الكيكه الاسعافيه اللي ع اليمين
ومعها سلطه المعكرونه وفطاير المحار او فم السمكه
معجنات مشكله
هاذي سفره حفله تخرجي بعد تفحيط دام لمده 5 سنوات وهذاني بالبيت اعاني البطاله والفراغ والعنوسه ماغير كرف وطبخ ونفخ وغسيل عيالي اقصد المواعين:angry:
طبعا سويت منها نص الاطباق والباقي بنات عمي فديتهم وصديقاتي
وبس هذا كل اللي عندي طلعتها لكم من الفرن الى مائدتك اقصد من الجوال الى المنتدى
هاااه بشروني اصلح لليوم الابيض اللي خبري خبركم عند ابو الشباب ولا لا
حبيت اقولكم اني نزلته هالصور امس كلها وسويت اعتمد الموضوع الجديد وفطس علي مارضى ورجعت احطه مرره ثانيه لابوك لابو شركه الامتصاصات stc
ابي بس دعوة منكم بظهر الغيب ان الله يرزقني بالوظيفه الزوينه والزوج الصالح الزاحف الطيب الحنون
وينصر امي ويعافيها ويوفقها بدراستها ويرزق اختي بالذريه الصالحه المعافاه
على فكره امي صايره تسحب ع المدرسه كثير واحنا يوم كنا صغار تسرحنا بالغصب
قولولها تداوم خاصه الاربعاء تسحب على ام امه وشايلته من ايام الاسبوع
واذا بغيتم شي حبيباتي اسالوني هنا او عالخاص وانا حاضره لكم