مرحبا بنات بعد طول غياب ارحب فيكم كلكم وحشتوووووني
طبعا بما اني تقريبا شبه نباتيه يعني ماكل لحم ودجاج وايد بس اكل اي شي من البحر سمك وربيان وغيره وخضروات وبس وبالاسبوع مره بس او مرتين اكل شوي لحم ودجاج لاني ماحبو كتير
المهم راح اعطيكم اكلات تهبل من قلبي والله احسن لكم من هاللحوم والدجاج والزفره كلها ،،،،
الطبق الاول ،، بطاطس بالمقلاة ،،،
المقادير :
4 حبات بطاطا متوسطه مقطعه شرايح دائريه او نص دائريه
ملعقة شاي ثوم وزنجبيل مطحونين
نص حزمة كزبره مفرومه
قرنين فلفل اخضر حار صحيحين
فلفل احمر وكركم وملح وشوي زيت ،، وماء
الطريقة :
سهله وايد لاتحاتين ،،، اخذي مقلاه غزيره حطي فيها البطاطس وكل المكونات المذكوره واغمريها بالماء وحطي ثلاث ملاعق طعام زيت او ملعقتين ،،
بس مو تغمريها بالماء كثير بس اغمريها بحيث تغطي البطاطس كامل
وخليهم عالنار وغطيهم راح تشوفين الماء يغلي خليه ،، بعدين خففي ع النار خليه على نار متوسطه ،، لين تشوفي البطاطا استوت وتكسرت والماء نشف ،، عادي لانك راح تاكليها بالخبز يعني
وتصلح للعشا حتى لو غدا ،، وامي دايم تسويه لنا وعجيب صراحه يهبل
الحين بحط لكم وصفة جدي الله يرحمه للبطاطس دايم يسويه لنا ويهبل صراحه
المقادير :
اربع حبات بطاطس متوسطة مسلوقة
اربع حبات طماطم حمرا
زيت ملح بزار كركم فلفل احمر حسب الرغبة
واربع حبات بيض مسلوق
الطريقة :
قطعي الطماطم قطع صغيره وحطيها بالمقلاة لين تذبل الحين حطي عليها شوي زيت وحركي وحطي البهارات ،،، وحركي ،،، الحين اخذي البطاط قشريها وقطعيها قطع طوليه يعني اقسميها لاربع قطع طوليه ،، وحطيهم فوق الطماطم وقلبيهم ،، وخليهم ع النار لو تحبين تحطي ماء شوي حطي عشان تلين اليخنه شوي ،، الحين اكشفي الغطا واخذي البيض المسلوق وقطعيه اربع قطع طوليه ،، وصفيه فوق البطاط وغطي المقلاة تاني مره ،،، خليها خمس دقايق الى سبع دقايق ع النار
تؤكل مع الخبز ،، بالهناء والشفاء
بنات لو سويتها ادعو حق جدي الله يرحمه لالالالالالاتنسووووون ترا هاي طبخته
الطريقة الثالثة :
باميا مقليه :
كيلو باميا مغسوله ومنظفه ومقطعه حلقات صغيره
نص حزممة كزبرة مفرومة
قرنين فلفل اخضر حار
ملح وكركم وفلفل احمر وزيت وثوم وزنجيل مطحونين ملعقة شاي وحده بس
الطريقة :
قطعي الباميا حلقات وحطيها في مقلاةه وقلبيها لين تشوفي نشفت المويه اللي فيها الحين حطي عليها الزيت وخليها شوي تذبل وغطيها ،، راح تشوفيها ذبلت ويقل حجمها والكمية الكبيره اللي حطيتيها من الباميا راح تشوفيها صغرت ،، الحين حطي الثوم والزنجبيل وحركي ،، بعدين البهارات وباقي المقادير المذكوره ،،، وقلبيهم وغطيهم وخليهم على نار متوسطه ،،، ولما تشوفي الباميا استوت مقليه كويس سكري النار
واكليها مع الخبز
مرقة الباميا :
نص كيلو باميا مغسوله منظفه
علبة معجون طماطم السعوديه
حبتين طماطم حمرا
كزبره
ثوم وزنجيبل مطحونين
بصله كبيره مفرومه
ملح فلفل احمر كركم ، بزار
مكعبين ماجي
زيت وماء
قرنين فلفل اخضر حار
الطريقة :
طبعا عارفين السالفه كيف ،، اعملي الكشنة حقت البصل والثوم والزنجبيل وحطي البهارات والطماطم بعدين صبي الماء والماجي والمعجون ولي شفتي الماء بدا يغلي سقطي الباميا عليهم ،، وبعدين حطي الكزبره والفلفل الاخضر بعد ماشبه استوت الباميا يعني ،، وغطيهم وخليهم شوي
واكليها مع رز ابيض او الخبز تطلع عجيبه
حمص بالطماطم :
المقادير :
ثلاث اكواب حمص مسلوقة
اربع حبات طماطم حمرا
ثوم وزنجبيل مطحونين
ملح كركم فلفل احمر
سنوت حبوب مش مطحون تقريبا نص ملعقة شاي
وكمان في حبوب سودا دائريه زي الكور مدري ايش اسمها لو حصلتيها كويس ماحصلتيها مش لزمه
قرن فلفل اخضر
زيت
الطريقة :
اخذي مقلات حطي شوي زيت وحطي السنوت الحبوب ولي شفتيهم لونهم تغير على طول حطي الطماطم المقطعه ،، وخليها تذبل ،، بعدين حطي الثوم والزنجبيل وحركي لين تشوفي الريحه صارت حلوه كذا ،، حطي البهارات وحركي وبعدين كبي عليهم الحمص وحركي والفلفل الاخضر ،، وقلبيهم وخليهم كذا عشر دقايق ع النار الى ربع ساعه وبس سكريه
واكللللليه مع الخبزززززززززززززززززززز
صحتين
حمص بالبصل والكزبره
ثلاث اكواب حمص مسلوق
نص بصلة بيضا كبيره مفرومه
نص كوب كزبره مفرومه
قرنين فلفل اخضر مقطع حلقات
عصير ليمونه
شوي نعناع اخضر مفروم
ملح وفلفل اسود
الطريقة :
هنا في هالوصفه مايحتاج نار ولا فرن ،، يعني هي مثل السلطه يعني ،،،
اخذي وعاء كبير شوي ،، حطي البصل مع النعناع والكزبره والبهارات والفلفل الاخضر الحار ،، والبسي قفاز واخلطيهم بيدك كذا وادعكيهم شوي عشان تختلط كل المكونات مع بعضها ،، بعدين حطي الحمص وقلبيهم بالملعقة ،، واخر شي اعصري عليهم ليمونه وقلبيهم ،، وتؤكل خاليه بدون خبز ولاشي
صحتين على قلبكم
جربوه وخبروني
حلوة مربربة @hlo_mrbrb
عضوة فعالة
يلزم عليك تسجيل الدخول أولًا لكتابة تعليق.
رحيل الايام
•
الله يعطيك العافيه ومشكوره على المجهود وجزاك الله الف خير
الصفحة الأخيرة