السلام عليكم ورحمة الله وبركاته,,
بما اني استفدت من الاطباق الموجوده في المنتدى كثير من اخواتي جزاهن الله خير حبيت اقدم هالطبقين لاني ماشفتهم بالمنتدى وان شاء الله يعجبوكم...
الطبق الاول"رز بالحليب"
المقادير تكفي لثلاث اشخاص:
كوب رز مصري مغسول ومنقوع بماء وملح لمدة نصف ساعه
8 اكواب ماء
6 ملاعق كبيره حليب بودره
مكعبين ماجي اللي في كرتونه وحده
للنكهه" اذا تحبين نكهة الهيل اضيفي 10 حبات هيل صحيح للحليب"
او " اذا تحبين نكهة النعناع اضيفي ملعقة نعناع مجفف كبيره للحليب"
انا اعمله كل مره نكهه وكله يطلع لذيذ واذا تركتيه بدون اضافه كمان يطلع حلو
الطريقه سهله تحطين المويه عليها الحليب البودره وتخلطين بالخلاط اليدوي عشان يمتزج الحليب بالماء وتحطين على نار متوسطه وحطي الماجي والهيل او النعناع حسب ماتحبين وخليه لين يغلي ويذوب الماجي بعدين حطي الرز واتركيه نصف ساعه لما يشرب الحليب بس مو ينشف
لازم يبقى حليب شوي وبس بالعافيه........
ملاحظه مهمه:اذا غطيتي على الحليب بغطاء القدر راح ينكب على الفرن فالافضل انك ماتغطينه لاقبل اضافة الرز ولا بعدها عشان كذا لو لاحظتوا ان كمية الماء زايده شوي لانه يتبخر اما اذا غطيناه لازم نقصر النار ويتاخر بالطبخ
ويصرف غاز فا ماله داعي الغطاء اخاف ينكب وتضطرين تنظفين الفرن ......
صورة الطبق
من قريب
الطبق الثاني: ايدام بالخضروات
المقادير: "بطاطس وجزر وبصل وثوم وطماطم واي خضار حابه تضيفيها"
قطعيها على شكل مكعبات وحطيها مع بعض في القدر وحطي عليها مكعب ماجي وشوي ملح وملعقة زيت وبهارات مشكله مطحونه"زنجبيل وقرفه وكمون وبهارات مشكله على كيفك" واذا حابه انها حاره حطي معها فلفل اخضر حار او بارد اذا ماتحبون الحار المهم الطعم والرائحه شهيه وتقلبينها على النار 5 دقايق وتضيفين عليها مويه حار يزيد مقدار 2 سم عن الخضروات واتركيها على نار متوسطه لمدة نصف ساعه وبالعافيه...
صورة الطبق
من قريب
ان شاء الله يعجبوكم ............