اطباق للجيران في شهر رمضان

كل عام وانتوا بالف خير والله يعوده عليكم بالصحة والعافية

في موضوع حلو حابة ان نسولف فيه خاصة في هذه الايام الفضيلة الله يتقبل منا ومنكم صالح الاعمال ....وهو بخصوص تبادل الاطباق مع الجيران .......
خواتي بغيت اسالكم شو الاكلات اللي تطرشونها لجيرانكم ؟ وهل يوميا او كل كم يوم ؟ وشو الكمية والانواع ؟

بالنسبة لي انا وحدة من جاراتي كل يوم فيه تبادل ويكون عبارة عن صحن حلو وصحن مالح وتكون الكمية على عدد افراد اسرتهم تقريبا ........وبعد بيت ام زوجي هي مش ساكنه جنبي بس الله يطول في عمرها كل يوم تطرش لنا السائق ونتبادل انا اغلب شي اسوي لها الحلويات وهي تسوي لنا الاطباق التقليدية ......

والجارة الثانية مريحتني من تطلع من دوامها تروح بيت اهلها ما ترجع الا اخر اليل يعني ما في تبادل ..........

الحين جا دوركم .........