بسم الله الرحمن الرحيم
هذي سفرة عشاء حاولت انوع فيها وهي ل 3 اشخاص بس انا زودت شوي
الرز
رز مسلوق بكركم مع شرايح رفيعه جزروملح وحبات هيل وشخلته واضفت له زبده وزيت وكزبره خضرا مفرومه وخليته يتسكر على النار نص ساعه
النودلز
5 حبات اندومي سلقتهم بماي وتتبيلتهم وبس طروا شوي رفعتهم حطيت زيت زيتون وزبده وحمرت 5 فصوص ثوم مفرومه مع شدة ريحان مفروم واضفت النودلز وملحتها وقدمت بجانبها جبن بارمزان مبشور
اقماع التونه
استخدمت ورق البقلاوه المربعه 6 شرايح لكل قمع مع دهن بينهم بنتفه زيت ومن بره وخبزتهم اشقروا
وخليتهم اخر شي خلطت تونه وبصل اخضر وكزبره وكمون وليمون وزيت زيتون وفص ثوم وحشيتهم قبل التقديم
توست دجاج
دجاج مسلوق مسحب مفروم مع خس وخيار مخلل ونتفة جزر مبشور وفلفل اسود ومايونيز
ينحشي التوست ويرش بالسماق يحفظ بالثلاجه
توست النقانق
فردت التوست بالنشابه ودهنت قوالب الفرن وبطنتها بالتوستس
خلطت نقانق مفرومه وبصل اخضر وجبن شيدر مبشور وذره وفلفل اسود حشيتها وخبزتها
خبزة السلطه
دهنت شريحة خبز بزيت وزبده واوريغانو وبطنت فيها قالب عشان تاخذ شكله وخبزتها بالفرن حتى تتحمش قبل التقديم حطيت فيها سلطه ذره وفلفل ملون وخس وبصل اخضر وخليت الصلصه بغرشه منفصله عشان كل واحد يضيف حسب ذوقه وعشان الخبزه ما تشرب وتنهري بسرعه
كفته المشروم
عجنت لحم كفته طبعا لازم بقسماط عشان تمسك نص كوب لكل نص كيلو وبصله مبشوره وبقدونس وكرفس وبهارات وثوم ونقطة خل
حمرت مشروم صحيح بزبده وملحته وشوي فلفل وخليته يبرد وينشف زيته
حشيت الكفته حبة مشروم حمرت الكفته بنتفة سمن ورصيتها ببايركس وسويت صلصة طماطم وسقيت الكفته وحطيت وياه فلفل كامل عشان النكهه ودخلته الفرن يتسبك شوي
دجاج كاري
استخدمت الصلصه الجاهزه وتستخدم كامله مع نص كيلو دجاج مسحب مكعبات
حمرت الدجاج بزبده واضفت الصلصه وشوي ماي وخليته تطبخ وتتسبك وقبل السكب حطيت كزبره خضرا مفرومه وعصرة ليمون
وحطيت شيبس وناتشو بالجبن قراميش يم الاكل
وحياكم الله
170873
170874
170875
170876
170877
ماكو اسامي @mako_asamy
كبيرة محررات
يلزم عليك تسجيل الدخول أولًا لكتابة تعليق.
الصفحة الأخيرة
170880
170881
170882