بصراحــــــــه هذا الموقف من المواقف الطررريفه اللي
صـــادفتني بــحــياتي صار لي انا وزميلتي
الله يذكــرها بالخيير من قبل اربع سنوات تقريبا زميلتي الحيين تزوجت وراحت عني في حال سبيلها:44:
زبدة الموضوع الله يسلمني ويسلمكم ..إننا ممرضـات ولما كنا في وقت التطبيق بالمستشفى لسى
ماتخرجنا من الكليه طبعا باقي لنا الست شهور تبع التطبيق بالمستشفيات المهم وقتها كان دوامنا
بالليل وبرمـضان بعد انا وزميلتي كنا بمستشفى وحده من حظنا لأنهم يوزعون البنات عالمستشفيات
المهم وانا بالسياره مع اخوي الساعه عشره ونص بالليل رايحه لدوامي الا اتصل جوالي طلعت زميلتي
قالت ها وينك وصلتي قلتلها مسافة الطريق وجايه قلتلها لييه في شي قالت اذا جيتي تعرفين
المهم جا فبالي انهم بيفرقونا عن القسم اللي احنا فيه لانهم كل شوي يغيرون..وانا وزميلتي
روحين بجسد..من يوم وصلت ونزلت عبايتي بالغرفه دخلت زميلتي قالت لاتنزلين عبايتكي
استغربت قلت ليش وش صاير قالت فيه حالة بالطوارئ حرمه يبغون يحولونها لمستشفى ثاني
والمسؤول اختارني انا وانتي نروح معها والله يوم قالت كذا وقلبي يقرقــع اول مره اركب سيارة
اسعاف لا وبعد بالليل واللي اكبر من كذا مع حرمه افريقيه من كينيا ماتعرف تهرج عربي الا....
المهم والبس عباتي ونروح للطوارئ وتجي رئيسة الطوارئ اعطتنا اوراق التحويل والملف
وشوي إلا قالو ترحون لحالكم من غير دكتور وعاد هــاذي الطامه الكبرى ...ومن يوم قالت الرئيسه
كذا وانا وخويتي عيوننا تتصافق ببعض قلنا لها لحالنا قالت ايوه هم وصلهم الفاكس بس يستنون الملف
مايحتاج دكتور ...البلشه ان المريضه طايحه على راسها بالحــرم وماهي بوعيها مغمى عليها
اغماء الطيحه بس ماهي متأثره مرره المهم ونتوكل على الله وتوصلنا الرئيسه للأسعاف
ونركب >>>طبعا هذا وحنا اول مره نجرب الاسعاف :3_10_6:<<<<<عتبروها اسعاف
والمريضه عالسرير وانا جوا وزميلتي عند الباب ..وعيوننا من مكان لمكان بالاسعاف والناس اللي تتفرج
علينا برا >> توهقت وش دخلني تمريض ....ويحررك السواق شوي يشغل صوت الاسعاف اللي احسه
بيفجر اذني حتى انا وزميلتي مو قادرين نسمع بعض من قوة الصوت هذا وحنا جا7لسين جنب بعض
والله كننا بزران زميلتي متمسكه بعبايتي وانا متمسكه بعباتها واللي يفشللللل من حظنا الحلو
الاسعاف اللي راكبين فيها الشباك الخلفي مو مخفي القزاز وبس يعني كل خلق الله تتفرج علينا
من وررراااههههههههه:06:يالله معليه ضحكه وبكوه بنفس الوقت>>>>يحقليييي
والسوااق مسررررع والله مافي شي نتمسك فيه غير عباياتنا (زميلتي عالراس وتنفك بسرعه)
والكرسي اللي جالسين عليه طووويل من غير مسكات ولافوق ولاتحت غير سرير المريضه
اللي منسدحه قدامنا قريب لرجولنا وحنا مرتفعيين :hahaha: والله من كثر مالسواق مشووت
ومسرع اذا جات اشارة مرور وبيهدي السرعه ياا اطيح على زميلتي :08:ولاهي تطيح علي
ونتعور ونتـأووووووووووه
والسواق الاخ مايسمعنا من صوت الاسعاف ويووووووووو ويوووووووو لاااااااا بعد يوم
وقف عند الأشـــــاره ورانـــــا سيارة فيها شباب اقسم بالله يابنات احس رجـــولي تعورني
من الفشله والخوف ويأشروون علينا قالت خويتي حنا نــاقصينهم ديري وجهك عنهم
عاد انا اقدر اصرف نفسي بس هي المسكينه جنب الباب وصرنا نطالع ببعض
والله ماندري نضحك ولا نصيح :confused- شوي ويشغل السواق ويكمل باقي الرحله يؤ اقصد
باقي المشوار وجينا للطامه الكبرى استغفر الله إلا وتصحى المريضه وتجلس ووجهها كذا>>:mad:
وانا وزميلتي مره نطالعها ومره نطالع بعض واحس اذني بتنفجر من صوت الاسعاف
اللي مافارقنا وزود الفضيحه وخلى الناس تطالعنا مع هالشباك الله لايعيده
والمريضه الله يسلمكم راسهاا للحين ماصحى مندااااشه وتحسبنا مودينها للشرطه
عشانها من المتخلفين وتقعد تتمسك بعباية زميلتي وتصرخ بصوت عالي
(شكلها تحسبني انا وزميلتي شرطه):pinklove:
وزياده مع صوت الاسعاف وتقول كلام ماهو مفهووووم والله ماحفظت منه الا تمبلي
وتقولها وتـــــمــــــــــدها بصوت عــــــــــــالي وزميلتي ياافلااانه
يمه يمه الحقيني حتى صاحب الاسعاف استغفر الله مسررع مارحمنا
من القربعه طول الطريق والله اننا تنصقع تصقع موصاحي..المهم شوي إلا قالت المريضه
الله اكبر الله اكبر حتى بشي مو مفهوم بكل صوتها طبعا هي قالت كذا عشان
تبغانا ننزلها وندري انها من الــحـرم شوي يوم شفنا بوابة المستشفى وانا
ارتااح:09: والله من يوم وقفت سيارة الاسعاف ويتجمعون الطاقم التمريضي عشان
يستقبلون المريضه وهااااااااااااتك يالفشله ذاك اليووووم كووووووووووووم
نزل السواق وفتح الباب جا بينزل المريضه قلت لا اول شي حنا ننزل انا
وزميلتي منصرعين من الخوف والسواق مييت من الضحك مع نفسه
شكله داررري بكل اللي صار معنا وسامع صوت المريضه واستنجادنا
من غير منجد ....واللي قهررررني يوم نزلنا عيييال متجمعين عند
الاسعاف بجوالاتهم شوي زميلتي سحبتني بقوه وقالت بسر عه
ادخلي ودخلت وانا اسألها قالت العيال يصورون سيارة الاسعاف بجوالاتهم حسبي
الله عليهم بس اشوى تقول من يوم شفت الجوال سحبتك مامداهم يصورون شي
طبعا انا وزميلتي رحنا نسوي ورقة طوارئ دخول للمريضه يوم جبناها ودخلنا الطوارئ
جانا المسؤل اللي استلم المريضه قال والله ماادري اش اقول المريضه اللي جبتوها
حطيناها على السرير رحنا عنها ثلاث دقايق جينا وهي ماهي فيه ويوم طلعت برا اشوفها
لقيتها ضاربه مشوووواااااار برااا المستشفى من عند البوااابه الخارجيه ...
وآآآآآآآآآآآآه يالقههههههرمن بعد التععب كلله وكنك يابو زيد ماغــــزيت ...وانا وزميلتي انقهررنا قهر
قالتلي زميلتي هذا وهي طايحه على راسها ماادري كيف لو انها صاحيه كان تسابق السيارات
قلت لزميلتي الحين تلقينها رااجعه الحرم( حرم المدينه) خليها هي تعالج نفسها هههههه
وآآآه من ذا الموقف كل مااكلم زميلتي ونتذكرره نمووت من الضحك ...وتوته توته خلصت الـحتوتــه
بس هذي حتوته جـــــد آآآآخ
على فـــكــره:
ممكن تقولون كيف ركبتو مع السواق لحالكم ووو ومن ذا الكلام والله لو بكيفنا ماركبنا لحالنا بس
هذ ي شغلتنا والحمد لله اهم شي وحده تستر نفسها وتكمل حجابها والحمد لله انا وزميلاتي
صدق ان مجالنا كان فيه اختلاط بس الحمد لله يشهد الله كنا محافظات لا حجاب ولا اصواتنا ولا غيره
ياربي لك الحمد .............
ودمــــــتـــــــــــــــــــــم ســــــــــــــــــــــــــــــــــالمـيــن
موقف ماتحسدون عليه
بس كله كو م وهروب المريضة كوم ثاني