اليوم حاعطيكم طريقة سلطة صرااحة مررة لزيزة رغم بساطتها ومافي احد اكل منها الا وسألني عن طريقتها وخالاتي كل ما يسوو عزومة يطلبو مني اعمللهم هيا
وأنا من عشااااق السلطة هادي :$ وكل مااروح مطعم اطلبها وصرااحة ماافي ولا مطعم يزبطها الا هرفي
السلطة هيا سلطة السيزر $_$
طبعا السلطة عبارة عن خس وشوية اضافات الاضافات هيا دجاج مشوي وجبنة وصوص
أول شي حتسويه تقطعي الخس بالمقص يعني تقُصيه قطع متوسطة لا صغيرة ولا كبيرة وتغسليه كويس ولكِ حرية الاختيار بين الخس العادي أو الخس الأمريكي ولكن المعروف عن سطلة السيزر تتسوى بالخس الامريكي، بعد ما تقطعي كمية الخس اللي تبغيها تحطيها في مصفاية وتخليها تتصفى عبال ما تعملي الأشياء التانية
نجي عند المقادير حقت الدجاج المشوي:
صدر دجاج مقطع قطع متوسطة الحجم
حتتبلي الدجاج بـ:
1 ملعقة كبيرة زيت زيتون
ملح (حسب الرغبة)
ملعقة صغيرة فلفل اسود
حبة ليمونه
رشة اورغانو
رشة سماق
وبعدين تشويه انا اشويه في هادا
وبعدين تسوي الصوص ، المقادير هيا:
ملعقتين كبيرة خل تفاح
2 فص ثوم مهرووس
ملعقتين كبيرة مايونيز أو لبن زبادي (روب) وانا احيانا احط الاتنين مع بعض
نص ليمونة
ملعقة كبيرة زيت زيتون
ملعقة كبيرة خردل
رشة ملح ملح
رشة فلفل اسود
(الصوص لازم يكون شوية تقيل مو خفيف لو كان خفيف زودي مايونيز او زبادي)
وحتبشري شوية جبنة تشيدر المراعي الحجم الصغير بالمبشرة اللي حجمها صغيير
وتجيبي سن بايتس
تحطي الخس في الصحن اللي تبي تقدمي فيه وتحطي شوية من السن بايتس وشوية من الصلصة وشوية من الدجاج وشوية من الجبنة وتقلبيهم
بعدين عالوجه تحطي الصوص وفوقو الدجاج وفوقو السن بايتس وفوقو الجبنة
وبالهنا والعاافيةة :p
واكييد اللي حتجربها تقوللي كيف التجربة