وضع الوصفة بالقسم المناسب لها.. واي موضوع يوضع
بقسم أطباق عالم حواء سوف يغلق مع وضع هذا الشعار:
مثلا الحلى والكيك بقسم الحلويات الشرقية والغربية
الطبق الرئيسي بقسم عزيزة الساخنة
الفطاير والمعجنات بأنواعها بقسم المعجنات والمخبوزات والسندويتشات
العصاير والخفايف والسلطات بقسم السلطات والمقبلات والمشروبات
التجارب من عالم حواء بقسم الأطباق المجربة
¨°o.O ( شاكرين لكم تعاونكم ) O.o°¨
السلام عليكم
سويت لكم اليوم طبخه لذيذه من مطبخي
وهي محشى الملفوف
واتمنى تجربوها لأني معتمده هذي الوصفه من عشر سنوات
ومافي احد اكل منها إلا وخلص الصحن كامل
وانا متأكده بإذن الله لو تجربوها راح تعجبكم 100%
نجي للمقادير
ثلاثة ارباع كيلو رز صنوايت
وهذي صورته للي ماتعرفه
نصف حزمه من الكزبرة والشبت
و6 اعواد نعناع اخضر خذي بس الأوراق وأفرميها
فرما ناعما بالسكين للجميع
بصله واحده مقطعه قطع صغيرة (ناعمه ) بالسكين
مقدار 5 حبات طماطم مطحونه + فص ثوم حسب الرغبه
مكعبين ماجي وبهارات مشكله ( البهارات السبعه )
من شركة اسناد فود مرررررررره خطيره
وفلفل اسود ملعقة صغيرة وكمون
وأخيرا 2 ملفوف حجمها وسط انتبهي تاخذي من الكبار
يطلع طعمه ماهو زين
نجي للطريقة
أسلقي الملفوف وخلية على جنب (بس في مويه )
خذي البصل بصينيه وحطي عليه شوية زيت نباتي وحمريه
ثم ضعي الطماطم ثلاثة ارباع الكميه وتركي قليل منها
ثم ضعي عليها البهارات ومكعب ماجي وشوية ملح
وغسلي الرز وضعيه عليها ودعيها على نار هادئه
مدة خمس دقائق تقريبا مع التحريك
ثم اطفئي النار وضعي عليه الكزبرة والشبت والنعناع
وهذي صورته
ثم افردي ورق الملفوف وضعي الحشو تمام كورق العنب
وقمي بوضع بعض الورق منه اسفل قدر الضغط
ووزعي المحشي عليه
بعد ما تنتهي من جميع الحشو
اعملي كشنه عاديه شوية بصل + الطماطم المتبقيه
وسبكيها على النار وضعي عليها مكعب ماجي وشوية ملح وبهارات
ثم اسكبيها على المحشي في القدر
بهذي الطريقة
ثم اضيفي الماء الساخن حتى يتغطى فقط
بهذي الطريقة
وأخيرا غطي القدر واضغطيه مدة 40 دقيقة
وتفضلو بعد ما أستوى
وهذي الحشوه من جوه
وبالعافيه على قلوبكم
ترى هذي أول مشاركة لي واعذروني على الصور
ماهي واضحه وما صورت طريقة الحشوة ولفها
لأنه ما جا على بالي انزلها بالمنتدى إلى بعد مالفيته
والي تبغى استفسار انا حاضره
ووالله العظيم ما سبق اعطيت احد طريقتي وهذي
لكم مخصوص يابنات عالم حواء لأنكم ما تبخلو علينا بوصفه
وان شاء الله تعجبكم:cook: