هلا وغلا فيكم ويارب يجعل صباحكم ويومكم كله خير وفرح وسرور
اليوم جبتلكم وصفه لذيذه وانا ابدعت فيها شوى
وصفتنا اليوم كالعااااااااااده سهله
واهم شي سريعه ومقاديرها متوفره اكيد بكل بيت
واللي ما عندها المكون الاساسي وهو كريمة الخفق
من اليوم تحط ببالها وتشتري منها كم علبه
وفي شي حلو كمان بوصفتنا اليوم انك تقدرين تجهزينها وتغلفينها بالسانيتا وتحطينها بالثلاجه
لين الوقت المطلوب تخرجينها من الثلاجه وتخليها تدفا عشر دقايق وتدخلينها الفرن
طبعا انا عطيتكم ملااحظاتي قبل الوصفه
الحين لعيونكم الحلوه بندخل على المقادير وكل شي
يلا
يلا
المقادير:
علبه كريمة الخفق
مكرونه مسلوقه
دجاج مقطع شرائح
بطاطس مقطع حلقات خفيفه جدا
ملعقتان كبيره جبن كاسات كرافت
جبن موزريلا للوجه
فنجال قهوه ماء
ملعقتان ماء للدجاج
ملح فلفل اسود ماجي علبه واحده
اوريقانو
الحين الطريقه:
اولا طريقة الدجاج"
يتبل الدجاج بالملح والفلفل الاسود والاوريقانو وقطعه صغيره جدا من الماجي
ضعى الدجاج في طاوه مع ملعقتان كبيره من الماء وقلبي حتى يستوى
احضري صينيه ووزعى حلقات البطاطس فيها
من المهم ان تكون الحلقات خفيفه او رفيعه عشان ما تاخذ وقت بالفرن
هنا الصوره توضح شكل الدجاج وحلقات البطاطس
نوزع المكرونه المسلوقه فوق البطاطس
ثم نوزع شرائح الدجاج فوق المكرونه
بالخلاط نحط الكريمه وفنجال قهوه ماء والجبن الكاسات وواحد وربع مكعب ماجي ورشه فلفل اسود ورشه محترمه اوريقانو
ويضرب ضربا مبرحا بالخلاط ويصب الخليط في الصينيه
ويرش مره اخرى اوريقانو ويزين بجبنة الموزريلا
ملاحظه: الجبن الموزريلا ممكن تحطينه لما تجى تحمريها من فوق يعني تحطينه اخر شي علشان ما يتحمر عليك واجد
صوره اقرب
انا هنا جهزتها من بدرى وغلفتها ودخلتها الثلاجه لحين وقت الغدا
بعدين تحطينها بالفرن من اسفل على درجة حراره180
تاخذ تقريبا نص ساعه او اقل لاحظو كل شي مستوى بس حلقات البطاطس عشان كذا حاولو تكون رفيعه وبعد ربع ساعه بسكين شوفي البطاطس
وبعدين حمريها من فوق
هنا انا حمرتها كثير عشان نحبها كذا ممممممممم
وهنا شكلها لما غرفت منها
وهنا لما حطيتها بالصحن واقدمه للللآول ووووحده ترررد
هنا حبيت اوضح لكم نوع الجبن اللي استخدمه ممتااااز وزعتر الاوريقانو هاذى علبته تلقونه مع البهارات بالدانوب
بنات والله طعمها واااااااااااااو واهم شي سهله وسريعه وممكن نجهزها من قبل
والصغااااااار يموتون فيها
عندنا بالبيت دوووووم نعملها ولغينا مكرونه بالباشميل ههههههههه
انا شرحتها لكم بالتفصيل الممل لعيونكم
ويارب تعجبكم
سبحان الله كنت بسوي الغدا اليوم ياشميل وجبتيلي هالوصفه الحلوووه
بس راح اجربها باللحمه
يعطيكي العافيه حبيبتي ..