&&اطفالكم من سن سبعة شهور الى سنة يفهمون؟؟يتكلمون؟؟ تعالوا&&

السلام عليكم..شلونكم وشلون اعيالكم معاكم.. :)


الموضوع مبين من عنوانه ..نبي نتعرف على الأشياء الي يفهمونها في هالسن



عشان نفيد ونستفيد ..أرجو اني احصل تفاعل منكم..مو تخذلوني :16:



نبتدي بأنوار البحرين يعني أنا :)



انا عندي بنت بتكمل الشهر الثامن تفهم بعض الأشياء..



بحكي لكم موقف عنها..لمن كانت عمرها سبعة شهور كنت العب معاها وذكرت



الكورة قدامها ..فإذا بي اتفاجأ بأنها اطالع في الكورة قلت يمكن بالغلط قلت مرة ثانية



بجرب وبعد نفس الشىء اطالع فيها..قلت يعني الأطفال يفهمون بس ما يقدرون



يتكلمون..وحاولت اعلمها اشياء كثيرة لأنها والحمد لله تتجاوب معاي..



يعني الحين اذا اقول لها وين الكورة على طول اطالعها وتأشر..وين تيلتابيس



ادوره واطالعة ..وين فلان اطالعه ..وين خالتك فلانة اطالعها ..



وبالنسبة للكلام اتقول ( بابا دادا نا نا ل ل يا يا مم مم ومما ) واذا تصيح تبي تجي لي



اتقول مما..والحين ابيكم انتوا تحكون عن اطفالكم..شرايكم؟؟