اطفالك لا تخلينهم

هذا للي تبغى تأدب زوجها وترمي عيالها عليه عشان تنتقم منه وتادبه فيهم
حرام الاطفال من سن الرضاعه لسن عشر سنوات نفسيتهم تتعب ولا يصلح لهم الا حضن امهم مهما كان حنان الآب وممكن الاب يغيض امهم ويطلقها ويتزوج غيرها انتقام منها ويحرمها منهم ويثبت بالدليل القاطع انها هي اللي رمتهم وهي اللي ماتبغاهم خاصه اذا بينهم رسايل راح يستخدمها دليل ضد الام
قلت هالكلام كنت بمناسبة للاهل باستراحه وواحد مطلق زوجته شوفوا السبب عشان ماقدر يوفر لها حياه مثل حياه بطلات السوشيال ميديا وإعلاناتهن وسفراتهن والمطاعم والكفيهات وطلبت الطلاق وطلقها على طول تقول بتزوجً من يخليني نجمه حياته وكل شهرين بدوله
النتيجه طلقها ورمت اطفالها عليها وجاب لهم بنغاليه البارح تضرب الولد ابو سنه قالت اختي ليه قالت هو كذا ماينام الا ينضرب على ظهره الله المستعان
والبنت ام اربع سنوات شكلها مبهدل وشعرها كشه ولبسها من عهد الصحابه البلوزه شكل والبنطلون حق بجامهً
وامي نادت ابوهم يصير ابن اخوها قالت ليه ماتوديهم امهم قام وراها الرسايل يقول ياعمه هي ماتبغاهم شوفي بالعيد قلت بجيب لك اطفالك يعيدون عليك قالت ماابغاهم لين تنفذ شروطي
والحين هو خاطب بنت خاله
زوجه خاله يوم شافت وضع الاطفال بحكم انهم قرايب ودايم مطلعه علىً وضعهم أقنعه بنتها تتزوجه
بنتها متوفي زوجها من 11 سنه وعندها اربع أصغرهم عمره 15 والله المستعان
الاطفال ضحيه اب قلبه حجر وام قاسيه همها نفسها