واشكركم على هالموضوع الاكثر من رائع:) :26:

السلام عليكم و رحمة الله و بركاته

حبيت اسلم عليكم خواتي الغاليات .. و ادعي لكل من لديها كربه و ضيق .. بالفرج يا الله

داني بخير و عافيه و يسلم عليكم
وطلعت له اسنانه السفليه بسم الله ما شاء الله :)

لحد الان مداومه على الحليب الي اعطاني اياه الدكتور .. حليب الصويا المهدرج .. و كم اسبوع نعمل له تحليل براز اعزكم الله .. لان اخر مره اتضح انه بسبب التحسس .. هناك بعض المواد المفيده الي المفروض ان الامعاء تمتصها .. لكنها بتـُـطرح مع فضلات الجسم


قريت قبل فتره رد الاخت مردف عن التربيه الحديثه و تعويد الطفل انه ينام وحده

الي صار معي .. وحده جات عندنا .. ( هي تعمل في المستوصف الي اروح له عشان تلقيح داني ) .. اصرت على زيارتنا و هذه مسأله روتينيه ..زياره مره واحده بعد فتره من ولادة الطفل .. يشوفوا فيها كيف ان الام تتعامل مع ابنها .. ويعطوها بعض الناصيح و كلام فاضي جدا

نصحتني بهذه الفكره .. و قومي باللحظه و طبقي النظريه .. ( قاعده تتصرف براحتها في بيتي :30: ) و تركت ابني في سريره ( على اساس انه ينام وحده )

وقالت لي اتركيه حتى لو يبكي .. و بعد شوي اسمع صراخه .. و هاذي تقعد تقول لي اتركيه في الاخر يتعب و ينام
و صرت اسمع صراخه اكثر .. و في نفس الوقت خجلانه من الضيفه الثقيله الظالمه الي جات عندي والي لابد و لازم اتحملها

اخر شي صرت انظر على دقائق الساعه .. صرت ما اتحمل و ركضت و تركت اللئيمه هذه .. و طرت على ابني

ما انسى منظره .. و عيونه .. و عرقان المسكين و حالته حاله .. ينظر لسقف الغرفه وحيد و خايف

شلته باللحظه .. لقيته من عصبيته مدري من خوفه متبرز اعزكم الله ( في غير وقته المسكين )

ومن يومها حلفت ما اطبق اي كلمه اسمعها
انا متعوده و ابني متعود على طريقه معينه انومه فيها .. اني اهزه في عربانته لحد ما ينام

و في الاخر ابني و ابنائكم و الي عودوهم يناموا وحدهم في سريرهم .. كلهم راح يكبروا .. صح و لا لا ؟؟


هذه تجربتي حبيت احكيها لكم

السلام عليكم .......

شلونكم شخباركم عساكم بخير ؟ انا ماقريت كل الردود بس سلامي لكم كلكم بدون استثناء

ودعواتي لاخت حنونة بالفرج ان شاء الله وبدون اسم الله يعطي امك العافية وسلامي لكم :)

السلام عليكم
حنونه
ربي ييسر امور اختك يا رب ويفك ازمتها والله يا حنونه تذكرت قبل فتره اختي مرة بضيقه والصراحه كنت ادخل وما اشترك وضاقت بي الدنيا وبس اخلي راسي على المخده ابكي وزوجي يسال ما اخبره وبعد فتره ربي فتحها عى اختي والحمد لله وامورها على احسن ما يكون ,هونيها حنونه وكل شي يهون وربي كريم والخيره فيما اختاره الله.

الراجيه
شفتي يا اعيالنا غير شكل يا احنه دلعناهم صراحه انا يقولوا اهلي لي مدلعه الولد,بس انامااشوف هذا الشي ويا ربي ما اتحمل يبكي وانا قادره اسكته وما اسكته واحمله وهذا احسه ما يعتبر دلع.

راعية مبدا
هلا الغاليه , عندك صورة النطيطه ما اعرفها وشكلها لعبه حلوه من وصفج ووصف حنونه لو عندك صورتها ورينه كيف هي.


بنات سلامي لكم جميعا.

ام عبد الرحمن سلامت رحماني حياتي ما يشوف شر وشواخي الحلوه اشلونها تحياتي لج , وشو اخبار قو ارير عساها بخير