السلام عليكم

كيفكم يابنات

انا ولدي عمري 6 شهور واسبوع وزنه 9 كيلو وامس يابنات صار معه التهاب باذنه ومررره يبكي مو قادر ينام وديته المستشفى عطوه فيفادول بس وش اسوي معه


وكمان الدكتور غير حليبه من سميلاك2 إلى بيوميل2 يقول زين للعظام والاسنان منو تعرف هالحليب اول مرره اسمع به ؟؟؟؟

ويعطيكم الف عافيه على هالملف

السلام عليكم
الله يعطيك العافيه اختي حنين على هاالملف الرائع
انا عضوه جديده بس مره شوقني الملف للانضمام لكم ...........علني افيد واستفيد من
خبرات الاخوات لانه اناام جديده .............عندي بنوته عمرها اربعة اشهر
ومره صغيره ونحيفه ودي اسمنها وكذلك مره هاليومين بادي معها اسهال شديد
خذتها لدكتور بس بدون فايده بعد التحليل قال نزله معويه عشان الفيروس الي بالجو
هاليومين ........واحس بسم الله عليها ماباقي الا عيونها ارجو منكن الي عنده خبره تفيدني
ومشكوووووووووووووووووووووووووووره مره اخرى اخت حنونه على ملفك الرائع
.

السلااااااااااااااااااااام

مبروووووووووووووك عالملف

والله ان صكت فيني الدنيا يوم شفت ملفنا القديم تصكر

المهم أخباري عايشه بتعب وارهاق اقعد الساعه 5 ونص الفجر اصلي ارضع دانه البس آخذها معاي وأطلع اروح بيت اهلي اعطيها حق امي واطلع اروح الدوام الساعه 7 الصبح لازم انا موجوده ينتهي دوامي الساعه 3 العصر ارد بيت اهلي آخذ دانه واطلع ارد البيت طبعا حمود يكون نايم لأن يكون قاعد من الصبح مشكلته إذا صحى من النوم وما لقاني خلاص يطير نومه وهو طول اليوم قاعد مع خالتي أم زوجي يعني حمود عند خالتي ودانه عند أمي
أرد البيت اغسل ابدل ملابسي اتغدا يكونو اليهال صحو من النوم :( <<< فلست من النوم
اقعد أجابلهم لين الساعه 10 بالليل وبعدين خلاص كل واحد بسريره انيمهم غصصصصصصصصصصب عشان انا انام بس ماكو فايده يدش ابو الشباب يبي يقعد معاي شوي صارت الساعه 12 نمت واصحى مره او مرتين عشان رضعات دندون ولي الساعه 5 ونص الفجر هذا كل يوم جدولي :(

متتتتعب الحمدلله على كل والله ان البنات بالدوام يقولون وين راحت عيونج اقول لهم من قلة النوووووم :(

المهم
دانه اسم الله عليها تحب الأكل يعني اعطيها 3 وجبات باليوم أكل
الصبح نص تفاحه + عصير برتقال
الغدا رز مع خضار (كوسى وقرع وجزر وبطاط وسلق)
العشا ميلوبا فواكه أو بسكوته مع شوية ماي

تشرب الرضعه بالتقسيط الممل جدا يعني رقم وتلعب رقمين وتنام تصحى رقم وتلعب وبعد نص ساعه رقم يعني خلال ساعتين تخلص لها رضعه


والله بنات احبكم في الله لله الله لا يفرقنا ان شاء الله

ويييييييييييييييين رسيييييييييييييل وقوااااااااارير !!!

^
^
الله يعينج من صج تعب
وبعدين بنتج موصغيرونه عالأكل
أنا بنتي 4 أشهر ودكتورتها قالت ما أعطيها شي غير الحليب لين 5 أشهر تقول لو أعطيها ماراح يفيدها ولا بيضرها
بس انا أفكر اعطيها عصاير بس عشان تتعود

شوري براسي

شسوي فيها ما تحب ترضع يا دوب 3 رضعات باليوم تشربهم وصايره عصقوووله حدها ضعيف مادري ليش تكره الحليب فقلت مو معقوله بخليها جذي لازم اعوضها بشي ثاني واهي تقبلت الأكل وحبته اكثر من الرضاعه اسم الله عليها