تدرون يابنات فيه سر في حليبنا في السعوديه ويمكن العالم العربي هنا اشوف البزارين الصغار ماشاء الله دببه مره مره وصحتهم تجنن لما اشوف الحليب حقهم الاقي مضيفين عليه فايتمينات وحديد واللي اعرفه ان الحديد اهواهم شي لنمو الطفل في سن السنه الاولى الظاهر حليبنا في العالم العربي ماعليه اي فيتامينات ويمكن مغشوش بعد المهم حاولو ترضعونهم من الصدر احسلكم والله العظيم علىالاقل يعطيهم مناعه
بعدين حاولو ماتخلون الطفل يجوع كثير يعنى كل ساعتين اعطوه رضاعه وبالنسبه للاكل ابدءاو باالرايس يعنى سيريلاك باالارز بعدين تدرجو في الخضار والفواكه المهروسه وبعد سنه اعطوهم لحم وهنا في اوروبا يحرصون على الابتسامه للطفل من اول مايولد وضمه وقول كلمات الحب له دايما يقولون لها اثر كبير في نموه العقلي حتى لوقلنا مايفهم الله يخلف علينا ترى يفهم كل شي تقولينه له لما تقولين انا احبك او انت بيبى جميل وحبوب وعسل وتضمينه دايما يفهم حتى في دراسه هنا وحده بنتها ولدت وقالو لاطباء مافيه امل تعيش وجلست في الحضانه الشهر الاول من عمرها قال الدكتور وهو مره شاطر لو بس تقولون لها احبك وتمسحون على شعرها كل لحظه احتما ل تقوى وتشفى وماكملت البنت 2شهرين في الحضانه الاورجعت طفله عاديه وشفيت وكانت معجزه في الطب الامريكي حتى ان الدكتور الف كتاب عن دور الحب في نمو الاطفال ............ الحليب اللي هنا اشك انه غير حليبنا والله العظيم

اللي يطلع الحليب في لصدر التمر ومذكور في القران غذا مريم عليها السلام في مخاضها وكما ن الحلبه ممتازه

مشكوره يالغاليه بس والله الدخول حسب الظروف وقله الشغل وكثرته بالبيت الله يعينا يارب

هلا بنات اخباركم
حنونه
سألت عنك العافيه ابد الشر ما يجيك بس سي السيد جاء من عندكم وخذ اوف يومين واستولى على النت وماقدرت ادخل واخوي سيارته حاصرها السيل وجو ناس وطلعوها الله يجزاهم خير والحين رجعها للرياض تقول امي الحمدلله انه طلع منها سالم لان السياره تكسرت مع الثلج والبرد اللي جاها
ملائكة القلوب
مشكوره ياعمري واسم الله على تالين تهبل الله يحفظها لك يارب
راعية مبدأ
اثاريكم عندنا وقت العواصف والله حظكم شين صدق جانا شيء يخوف ياالله قدرت اروح لاهلي من المطر والبرق والرعد هاه وش اخبار ملكتكم ووين سويتوها ووين رحتو في الرياض ياالله عطينا الموجز
say yes
هلا اختي ترى مو بس الحليب اللي يجينا مغشوش حتى الادويه اللي تصنع خصيصا للشرق الاوسط لك عليها حسبي الله عليهم اما من ناحية الابتسامه والضم والله مانقصر ياربييه بتتكسر ضلوع بنتي من الضم والبوس
لجونه
هلا والله منوره الملف وش اخبارك واخبار عيالك وليش راحت شغالتك
صدق فاقدين نونو وصوت الكناري احد يعرف عنهم شيء
ام شماني
هاه للحين ذابحك الارق اشربي بابونج يخفف التوتر ويهدي الاعصاب
بنات بنتي ماتطيع تاكل ابددددددد ما ادري وش اسوي لها
سلالالالام لكم كلكم

ما شاء الله مبروك حنين من صدق حامل والا تمزحي