اطفالنا وبراءتهم ومواقفهم الطريفة والجميلة

السلام عليكم ورحمة الله وبركاته
صراحة ما اعرف احبك المقدمات وابدخل في الموضوع على طول
جبت لكم كم موقف طريف لابني عمره ست سنوات وبنتي عمرها تقريبا ثلاث سنوات
اول موقف لابني الله يحفظه ما شاء الله لاقوة الا بالله : كان صباح يوم عيد الاضحى روشته ولبسته الغترة والثوب والمشلح { البشت ، البردة ، العباءة } ذكرتها بروايات متعددة لكي لايتلبس على البعض فهم الكلمة ، وقلت له روح صحي بابا عشان نروح للعيد اقصد صلاة العيد راح عند ابوه وقال : يالله بابا نروح المدرسة ههههههههههههههه
طبعا ابوه حكانا انا واخوانه على الموقف وهو يسمع قام لمن كنت انا واياه لوحدنا يبغى يرقع الموقف قال لي : ياماما انا خلاص ابغى اروح المدرسة انا احب المدرسة هو في الحقيقة مايصدق بالاجازة لكن يبغى يخرج نفسه من الاحراج اللي وقع فيه
امس كمان كنت اذاكر له هو في سنه اولى ابتدائي وكان عليهم توحيد فقلت له الله رزقنا الطعام والشرا ب فاحمد مين { ابغاه يقول لي نحمد الله عز وجل } قال لي : احمد الشهري ههههههههه شكله فيه طالب عندهم بهذا الاسم
نجي لبنتي الصغيرة : اذا بغتني اغسل لها اي حاجة قالت ماما اغسل يدي واذا بغت افتح لها اي شئ ان شاء الله حلوى او بسكويت او لعبة اي حاجة كانت تقول : ماما افتح الباب
وفي مرة من المرات جابت الالعاب حقتها وحطت القدر حقها اللعبة فوق البوتجاز وقالت لي ياماما ابغى غطاء { تقصد ملعقة من الالعاب حقتها } المهم رحت دورت لها ملعقة من العابها واعطيتها وفرحت وحطتها في القدر حقها وتبغاني اولع لها النار تحت القدر حقها طبعا انا كأني ماني سامعتها وجيت اجهز الفطور ولعت النار وجن جنونها كيف ما اولع النار تحت القدر حقها وجلست تبكي وجلست آخذ بخاطرها الى ان سكتت شوفوا البراءة كيف عز الله ان كان شبت فينا حريقة
فيه مواقف كثيرة لكن هذا اللي يحضرني الان
ابغى كل وحدة تقول لنا موقف طريف من مواقف عيالها او اي طفل قريب او بعيد مر عليها والله يعطيكم العافية