أنا ولدي نفس الحاله
أول يوم في الدراسة في الروضة ما رحنا علشان الجو بيكون مكهرب
رحنا اليوم الثاني والحمد لله ما صاح لأني كنت جالسه معاهوقعدنا ساعه ورحنا البيت
اليوم الثاني ما رضى يدخل الصف ويوم دخل قعد يصيح خلست معاه حتى جاءت المديرة ومنعتنا من الجلوس عشان ما نخرب على الاطفال الثانيين عشان ما يبكون ويريدون امهاتهم طلعت ومسكته المعلمة وقعدت انتظره بر الصف وانا اسمع صياحه واصيح معاه حتى انه رجع
اليوم الثالث بعد ما رضى يدخل ومسكته المعلمه وكان خايف انهم يسكرون الباب بس وعدته المعلمة انها ما راح تسكر الباب بس ظل يصيح من اول الدوام لآخره ويوم جيته كان مبين انه كان يصيح( يتخشع) وكان طول اليوم ما ذاق شي
أما اليوم الرابع خليته ورحت عنه وكان يصيح بس يوم جيت اشله كان ساكت بس بعده كان ولاصق بالمعلمه بس الحمد لله في تطور وكل شويه من الشندويش

والله اني تعبت معاه
ان شاء الله يعتدل حاله هذا الاسبوع

الله يعين بس توي دخلته الباص هو في صراخ وعويل واخته معاه ثاني يوم ماروح معاهم واحس لسه مو متعودين خاصة ركوب الباص الصبح صياح وصراخ ولو تشوفو في الباص ولا طفل يبكي مشاء الله غير عيالي مادري وش اسوي مرات اجلس ابكي من القهر اخاف يكرهون ويتعقدون من المدرسه بعدين ويصرو فاشلين في دراستهم

يالله والله الحال من بعضه..اوس اسبوع رحت معاه 4 ايام ولاصق فيني ولا لالعب ولا مشاركة ولا شئ..اليوم الرابع ما رحت ولا ادري وش سوى..
السبت نزلته ورحت..ولما جيت اخذه قالوا من نزلتيه وهو في مكانه عند الباب يبكي..
الاحد راح مع الباص ولما جت الساعه 8 رحت له..لقيته جالس يبكي عند باب المدرسة..والله رحمته..يروح ويرجع ما فتح الشنطة ولا كل شئ..واعطيه فلوس ومايشتري شئ..
مادري وش اسوي ما تعرف على احد ولا حتى دخل الفصل..الله يعين بس..