اطفال القيصري اقل مناعه من غيرهم

الحمل والإنجاب

السلام عليكم اولا انا ام لثلاث اطفال الله يحفظهم وكلهم جبتهم قيصري المهم لاحظت عليهم انهم يتعبون بسرعة واكثر من مرة في فترات متقاربه واعاني معاهم من علاجات وغيره وصرت احافظ عليهم من شرب البارد والتعرض للهواء البارد ولكن دون فائدة من اقل شي يتعبون والله حتى اللي حولي لاحظوا وقالوا اولادك مساكين دايم تعبانين وولدي الثاني معاناه مع النزلات المعوية ومره شفت في برنامج طبي وثائقي يقول ان في الولادة الطبيعية الطفل في مجرى الولادة الطبيعية يشرب من المويه واللي يكون فيها سبحان الله بكتريا نافعة تساعد على الحماية من الامراض عكس الطفل لمن يكون خارج من عملية قيصرية وساعتها عرفت انه مافي افضل ولااحسن من الفطرة ويمكن اللي نجهله من فوائد الولادة الطبيعية اكثر بكثير من اللي نعرفه وانا اعرف ان حتى الاطفال بالولادة الطبيعية يتعبون لكن اقصد ان اللي بالقيصرية يتعرضون للالتهابات اكثر من غيرهم ولاحظت هالشي حتى على ولد حماتي اللي جا بقيصري وانتوا ايش رايكم
9
2K

يلزم عليك تسجيل الدخول أولًا لكتابة تعليق.

تسجيل دخول

*أم يزن*
*أم يزن*
معلومة خاطئة أخواني اربعة كلهم قيصري وبسم الله عليهم مناعتهم قوية

وهم الحين كبار اصغر واحد بالجامعة ولا فيهم الا العافية
نعـومة ورد
نعـومة ورد
والله انا ولدي اول سنه بعمره ان ماقد دخل مستشفى علشان مناعته زي ماتقولين انها تكون ضعيفه
ماشاء الله تبارك الله لاقوة الا بالله كان مريحني
واللي بعمره كلهم طبيعي ويمرضون مع ان ولدي معاه حساسية من البيض لكن ماشاء الله صحته ممتازه
سبحان الله انا يوميا احصنه ومن كان عمره 3 اسابيع ببطني الين ماكبر والحمدلله رب العالمين
يمكن تختلف من طفل لطفل لكن ياما اولاد وبنات مولدين طبيعي ومناعتهم قليله مو شرط
كوتا بونقا
كوتا بونقا
اتوقع معلومه خاطئه اتوقع اللي له دخل الرضاعه الطبيعيه هي اللي تعطي مناعه اما الولاده ماله دخل
ياما من اللي انولدو طبيعي وتلقينهم دايما مرضى
ام لارين2012
ام لارين2012
انا بنتي جاتها حصبه من اسبوع وانا جايبتها بقيصريه
ماتوقع انه من العمليه الرضاعه الطبيعيه لها دور في المناعه
مسكينه بنتي قلبي قسى عليها ولاعطيتها حنان ومارضعتها من صدري
كرهتها بعد ماولدتها استغفر الله لولا رحمه ربك ثم سوره البقره الله العالم وش صار
seet alhareem
seet alhareem
والله ماعتقد صح. مع انه ولدي جبته قيصري وعمره الحين سنه و8 شهور اتنوم مرتين بسبب النزلات المعويه الحاده جدا ومره اتنوم بسبب انفلونزا شديده مره وحبيبي لو اقولك كم أخذ بالمضادات الحيويه والله يحزن مع انه اللي يشوفه يقول ماشالله كله صحه. والسبب اتوقع انه ما رضع من صدري ابدا لان حلمتي مافيها بروز. ادعوله ربي يحفظه ويشفيه مناعته مسكين ضعيفففه. لكن اعرف كثير اطفال قيصري ماشالله تبارك الله مناعتهم قويه الله يحفظهم ويشفي ولدي يارب