انا زوجي عنده ضعف حيوانات منويه وتشوهات
اول شي الدكتور خلاه يفحص عند دكتور امراض ذكوره عشان يعرف السبب اذا في دوالي تتعالج واذا مدخن تحتمال يكون فيه صديد لكن زوجي مافي لا دوالي ولا صديد واهو اصلا مو مدخن
بلشنا سوينه اول مره وفشلت للاسف وانكسرنت كسر كبير
والله جبر هذا الكسر بالمره الثانيه نجحت
وبعدهت حملت طبيعي وسقطت لانه الحيوانات ضعيفه اصلا وقالولي مستحيل تكمل طبيعي
حاولت وفقدت الامل وبعدها ضليت احاول انابيب فشلت ٤ مرات
وحاليا المره الخامسه والحمدالله ثبت

علما ان زوجي ياخذ ادويه وعلاجات وعسل من ١٢ سنه ولا تحسن عنده شي
فنصيحتي اذا زوجج مافيه دوالي توكلي على رب العالمين وسوي الحقن المجهري ولا تضيعين وقتج وعمرج على علاجات خليه اهو يعالج كيفه لكن انتو امشو باطفال الانابيب ترا العمر يركض وكل ما كبر عمر المرأه صارت مشاكل ثانيه بانه بويضات المرأه مرتبطه بعمرها فانتبهي

حسب عمرك وسبب التاخير فالحمل

المشكله من زوجي وانا عمري23 ومافيني شيء سليمه هو عنده مرض وراثي ف الكروموسومات

الله يرزقك الذرية الصالحة ، ان شاءالله ربي بيفرح قلبك ، عادة اللي مثلك يسوون الانابيب يسحبون اجنه كثير ويخلونها تجلس الى اليوم الخامس عشان يكشفون على الكروموسومات وثم الأجنه السليمة يرجعونها لك ، أنا سويت عمليات كثير مرة مدري كم مرة مافيني أعد ههههه ، المهم لازم يكشفون لي عالكروموسومات اليوم الخامس قبل الارجاع ، وغالبا اذا بقو لك أجنه سليمه باليوم الخامس يحصل منها حمل باذن الله ، المشكلة انه يجي اليوم الخامس ومايلقون ولا جنين سليم فيصير ترتاحين شهر وتجين الشهر اللي بعده

يعني لا يضيق صدرك وخليك قويه وتأكدي إنه النجاح مو ضروري يحصل كل مرة ، لأن يمكن المنوي حق زوجك هالمرة يكون أغلبه مو زين بينما المرة اللي بعدها يكون زين ، حطي ببالك ممكن تضبط من أول مرة وممكن تحتاجين كم مرة الى مايلقون لك جنين سليم ، المهم انهم بيلقون لك جنين باذن الله ثقي من هالشي لكن مو شرط من اول عملية