اطقم صلاة للبيت- بنات الامارات

السلام عليج أختي، بصراحة انا شفت سجادات صلاة حلوات في محل في مركز صحارى في الطابق الارضي وين المحلات اللي تبيع اكسسوارات بصراحة عنده اشياء وايد حلوة وباسعار مختلفة وبالنسبة للاطقم انا يابتلي صديقتي من السعودية لبس للصلاة وايد حلو عليه دانتيل وانا سرت نسخت منه وخذت قطع تتناسب مع سجادة الصلاة وبصراحة طلع شي راقي ووايد حلو. أن شاء اللـه اكون افدتج. والسموحة إذا طولت عليج.

مشكورة عزيزتي ستيكي بس سوق عكاظ في اشياء عادية

ام خلفان و الله شجعتيني اروح صحارى مشكورة الغالية

ابصراحة مثل سجادات صلاة السعودية ما في ،،، وعندك بالسوق الجديد في ابوظبي اطقم صلاة انتي تختارينها من الهنود
بس صحاري مول اول مرة اسمع عنه انه يبيع ،،، وبالنسبة لسوق عكاظ كل شي فيه

مشكورة اخت من جميرا بس اختي راحت صحارى ما لقت اطقم صلاة عندهم

السلام عليكم،، أختي في صحارى المحل يبيع سجادات صلاة بس والوقايا مثل ما قلت لج صديقتي يابتلي وحدة من السعودية وانا نسخت عليها يعني قمت اشتري الخامة اللي تناسب السجادة اللي عندي واطقمهم مع بعض، بس المحل اللي عنده السجادات بتحصلينه تحت في نفس الطابق اللي فيه سبينس عقب السلم الكهربائي اللي يوديج على المحلات اللي فوق وانا متأكدة من الحل لاني ماخذه من عنده كذا سجادة واعتقد اسمه المتحف. ياللـه تعبت تراني ما اعرف اوصف الاماكن بس ان شاء اللـه اكون قدرت اوصلج المعلومة. وسامحيني على الاطالة واذا ما عرفتي المكان انا بدليج مرة ثانية.