اطلاق نار امام رامز بالحياة بلازا

السلام عليكم ورحمة الله


ما اعرف اشلون ابتديت اليوم كنت بالسوق انا وزوجي وعيالي في مجمع الحياة بلازا

ناقصني شويت اغراض وللاولاد ملابس داخليه المهم السوق كاااااااان بالمرة زحمة بالكوووووود حتى تلاقين موقف

ماعلينا قلنا في اطرف مكان نوقف المهم نخلص وصلنا بالسيارة امام محل رامز اللي في الحياة بلازا كان فيه رجال شاب شعره شوي طويل ماسك السوكرتي (رجل امن ) اللي برامز من رقبته على الرغم من قصر قاتم رجل الامن خلقة ربي الله يخلق مايشاء
هفه على وجهه كف واطالع وانا اكلم زوجي يالله الحين بيضاربون نبغى نوقف وبيوقفون السير
مااشوف الا الشاب يطلع من جيبه مسدس على بالي بيخوفه والله يابنات انه لاطلق رصاصه بالهواء بغيت انجن قمت اصارخ في زوجي يطلعنا بسرعة خفت لاتجينا رصاصه طايشه

وهو باقي ماسك السكرتي والمسدس موجهه على السيارات اللي ورى
والناس طلعو من المحلات وزوجة الشاب قاعده تصارخ ماسكه راسها

وجاء راجل اعتقد انه من جنسيه عربيه كانه مصري لابس ثوب ومطوع مسك يد الشاب اللي فيها مسدس وقام يهديه ( اهنيه على شجاعته )
والشاب مازالت عيونه تنط شرر
بعدها على طوول مشينا ولا ادري وايش صار على الشاب والسكورتي
عمري ماشفت اطلاق نار الأ بالأفلام ما ادري ايش هالزمان اللي صار جدا مخيف
وهذا ونحن دولة امن وامان
الله يحفظنا ويحفظ شباب المسلمين




اللي لفت نظري الشاب رايح للتسوق ليييييييييش المسدس معاه الله يكافينا الشر
ولهذه الدرجه روح المسلمين رخيصه

من الخوف رجعت البيت ماعدت ابي السوق ولا ساعته

هذا اللي صارلنا اليوم واللي عندها خلفيه عن سبب الخلاف وايش صار لهم بعدها ياليت تخبرنا

قلبي بيتقطع على السكورتي وزوجة الشاب ضعيفة الله