اطلب الطلاق اذا صار هيك

:44:صباح الخير يا بنات بصراحة انا حبيت افضفضلكم شوي يمكن لانه ما عندي حد رح يفهمني وما بدي تجريح او كلام ما اله داعي من اللي حوالي فحبيت احكيلكم قصتي واللي عندها رأي تشاركني فيه
باختصار انا تزوجت من 8 سنوات وكان عمري 18سنة طبعا كان بيننا مشاكل كتيرة وربنا اختار انه نكمل وعلى عكس المتوقع بدل ما تخف المشاكل زادت وكان تاثير اللي حوالينا كتير كبير وبالسئ مو بالمنيح وكنا بالاردن وصراحة لما جيت عالسعودية زادت اكتر كنا حاقدين على بعض كتير علما انه بيني وبينه 10سنوات وكان هدفي انه انسان يفهمني ويحبني بس تصدقوا اني الحب بيننا بيتحول كره بغمضة عين يعني مشكله بسيطة بشوف بعيونه الكره تجاهي رغم انه انسان حنون وطيب اكتر من ما بتتصوروا بس انا بحس انه خطا الكل مغفور عنده الا اخطائي انا وطبعا انا فكرت كتير اتركه بس اللي منعني انه عرفت اني حامل ببنتي وحاولنا نصلح حياتنا ومشيت بس ما كانت القلوب صافيه لانه في كتير اشياء جرحني فيها هو وخواته ما بدي ادعي عليهم بس هم كانوا سبب المشاكل من اولها حسبي الله عليهم وليومنا هذا نفسهم يخربوا حياتنا وانا بعرف وبشوف كم بيكرهوني ورغم هالشي بحاول اني اتعامل معهم عادي وبارسمي عشان ما ا
تركلهم مجال يقولوا هي حكت طبعا قبل 4سنوات نزلنا اجازة شهرين رجعنا انا واياه اسوأ من اول ولو اقولكم الاشياء اللي عملوها فيه ما بتصدقوا علما احنا بننام عند اهلي ومن الامثلة اخته الكبيرة عرفت انه متخانقين اخذته على فندق بالبحر الميت وتحديدا بالكوفي شوب اللي بالمسبح والباقي عندكم شو قصدها وهذا شي بسيط مع باقي عمايلهم وطبعا عانينا كتير لحد قبل سنة وتسعة شهور لما صرت احس انه في استقرار بحياتي ولما كان عمر ابني 7شهور صارت مشكله بيننا وقررت اتركه ونزلت عالاردن وبعدها تدخلوا الكل بيننا لما رجعت وقعدنا بعدها 4شهور واحنا بحاله بيعلمها الله بنام عند اولادي بغرفتهم كلام طالع ونازل مني ومنه ومشاكل ما بتنعد وبقينا هيك لاول يوم بالعيد بعديها ربنا صلح حالنا بس المشكلة الاساسية لهلأ انه بس يلتقي بحد من اهله بينقلب حاله الاسبوع اللي فات شفنا اخوه ومن ما رجعنا لليوم وهو واقفلي عالكلمة وقبل شهر كان نقاش بيني وبين ماما وانا فهمتها انه السنة نحنا نازلين اجازة وهو معي بس اذا هي المرة ترك مجال للعالم يدخلوا بيننا ويعملولنا مشاكل انا رح اتركه وهي المرة ما فيها نقاش لاني ما رح اضيع حياتي مع انسان وحياتي معلقة بايد خواته وغيرهم كلمة بتعمللنا مشاكل ورح اخد اولادي واربيهم والله يخليلنا قوانيننا اللي ما بتسمح لحد بالدنيا ياخد اولادي مني وهي اللي كان كاسر ضهري من البداية خوفي على اولادي والشحططة اللي رح يشوفوها بس بحس يعيشوا بدون اب احسن من مايعيشوا مع اتنين مقضيين حياتهم مشاكل ولو تحسوا فيه قدي خايفة من الاجازة وخايفة نرجع نكره بعض بعد ما ارتحنا بحياتنا وصار في بيننا محبة وود خايفة ارجع اخسر هالحياة وما عندي استعداد ارجع احاول كمان مرة اصلحها وخايفة هالاجازة تغيرلي حياتي انا واولادي فقولولي شو اعمل وادعولي الله يبعد عني اولاد الحرام لانهم كتار حوالينا